1 მარტს თბილისში 130-ზე მეტი ახალგაზრდა ევროპელი ელჩი (YEAs) ერთმანეთის გასაცნობად შეიკრიბა შეხვედრაზე, რომელიც წელიწადში ორჯერ იმართება ხოლმე. ღონისძიებას ასევე დაესწრო ევროკავშირის ელჩი საქართველოში, პაველ ჰერჩინსკი.
ამ შეხვედრების მიზანია, ხელი შეუწყოს გუნდური სულისკვეთების გაძლიერებას, კავშირების დამყარებას ახალ და გამოცდილ ახალგაზრდა ევროპელ ელჩებს შორის და მათ ჩართვას რბილი უნარების განმავითარებელ აქტივობებში წლიურ სამოქმედო გეგმაზე მუშაობის თანადროულად.
ღონისძიებაზე ახალგაზრდებმა დასახეს კონკრეტული გეგმები მომდევნო წლისთვის იმ პრიორიტეტების გათვალისწინებით, რომლებიც ევროკავშირის მიერ დაფინანსებული EU NEIGHBOURS East რეგიონული საკომუნიკაციო პროგრამისა და საქართველოში ევროკავშირის წარმომადგენლობის მიერაა განსაზღვრული.
2023 წლის დეკემბერში EU NEIGHBOURS east პროგრამამ 657 ახალი ახალგაზრდა ევროპელი ელჩი მიიღო, რომელთაგან 98 ახალგაზრდა საქართველოდან არის. შედეგად, დღეისთვის ქსელი 1,162 აქტიურ წევრს აერთიანებს.
ახალგაზრდა ევროპელი ელჩების (YEAs) ინიციატივა არაპოლიტიკური, მოხალისეობრივი, საკომუნიკაციო ქსელია, რომელიც ხელს უწყობს კავშირებისა და მეგობრული ურთიერთობების დამყარებას აზერბაიჯანში, ბელარუსში, მოლდოვის რესპუბლიკაში, საქართველოში, სომხეთში, უკრაინაში და ევროკავშირის წევრ ქვეყნებსა და გაერთიანებულ სამეფოში მცხოვრებ ახალგაზრდებს შორის. ქსელის მიზანია, მოსახლეობას მიაწოდოს ინფორმაცია ევროკავშირისა და აღმოსავლეთ პარტნიორობის ქვეყნების თანამშრომლობის შესახებ, წარმოაჩინოს ამ თანამშრომლობის პრაქტიკული შედეგები, ხელი შეუწყოს პოლიტიკურ დიალოგს სხვადასხვა საკითხზე, წაახალისოს სამოქალაქო აქტივიზმი და ერთიანი ძალებით იზრუნოს უკეთესი მომავლისთვის.
გაიცანით ახალგაზრდა ევროპელი ელჩები!
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,