ევროკავშირი და „ევროპული ფონდი სამხრეთ-აღმოსავლეთ ევროპისთვის“ COVID-19-ის კრიზისის საპასუხოდ დამატებით 40 მილიონ ევროს გამოყოფენ
ევროკომისიამ „ევროპული ფონდი სამხრეთ-აღმოსავლეთ ევროპისთვის“ (EFSE) დამატებით 40 მილიონი ევროთი დააფინანსა. ფონდს ევროკავშირი მხარს თავისი EU4Business ინიციატივის ფარგლებში უჭერს. მისი მიზანია, დაეხმაროს აღმოსავლეთ სამეზობლოს და დასავლეთ ბალკანეთის რეგიონს, მარტივად დაძლიონ COVID-19-ის პანდემიით გამოწვეული ეკონომიკური პრობლემები.
დაფინანსება ადგილობრივი ფინანსური ინსტიტუტების გაძლიერებას მოხმარდება, რათა მათ კრიზისულ პერიოდში მიკრო- და მცირე საწარმოების მხარდაჭერა შეძლონ. ამ თანხის მნიშვნელოვანი ნაწილი ადგილობრივ ვალუტაში დაფინანსებისთვის გამოიყო. ეს მსესხებლებს ვალუტის კურსის ცვალებადობით გამოწვეული რისკისგან დაიცავს.
ფონდის მიერ ჩატარებული კვლევის მიხედვით, სამიზნე რეგიონებში მოქმედი ყოველი ხუთი მცირე ბიზნესიდან ოთხმა განიცადა „უკიდურესად უარყოფით გავლენა“ საკუთარ საქმიანობაზე. კომპანიები ასევე აღნიშნავენ, რომ დროებით გათავისუფლებული თანამშრომლების სამუდამოდ გაშვება შეიძლება მოუწიოთ.
2020 წელს ფონდმა რეგიონში მოქმედი 66 ფინანსური ინსტიტუტი დააფინანსა. ამის შედეგად, მეწარმეებსა და ოჯახებზე 40,000 ახალი სესხი გაიცა, რაც 91,000 სამუშაო ადგილის შენარჩუნებას დაეხმარა. ამ სესხების 57%-ზე მეტი ადგილობრივ ვალუტაში გამოიყო.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
