EU4Ukraine: კალუშ ორკესტრი ვენის საშობაო საქველმოქმედო გალაზე გამოვა — იყიდეთ ბილეთი ან გაიღეთ თანხა 

ვენის საერთაშორისო ორგანიზაციებში ევროკავშირის წარმომადგენლობა უკვე მესამედ აწყობს EU4Ukraine-ის საშობაო საქველმოქმედო გალას. 

ღონისძიება 17-18 დეკემბერს, ვენის  Das Muth-ის საკონცერტო დარბაზში გაიმართება. წლევანდელი გალას განსაკუთრებული სტუმარი ევროვიზიის უკრაინელი გამარჯვებული კალუშ ორკესტრია. ამასთან, თავის სიმღერას, „8 მილიარდი ადამიანი“, შეასრულებს ახალგაზრდა ევროპელი ელჩი აზერბაიჯანიდან, ლეილა ტაღიევა. აღსანიშნავია, რომ ეს სიმღერა წელს გაეროს გლობალურ კამპანიას, #OurVoiceOurFuture წარმოაჩენდა. 

ბილეთების გაყიდვიდან შემოსული მთლიანი მოგება და შემოწირულებები ჰუმანიტარულ პროგრამებს გადაეცემა. ამ თანხით უკრაინის ქალაქ ირპინში მდებარე სკოლები მულტიმედიური საკლასო ნაკრებებით მომარაგდება, ხოლო ყველაზე დაუცველ ოჯახებში მცხოვრებ ბავშვებს განათლების ონლაინ მისაღებად ლეპტოპები გადაეცემათ.

ბილეთების ყიდვა ვენის Das Muth-ის საკონცერტო დარბაზის ვებსაიტზეა შესაძლებელი. 

შემოწირულების გაღება კი შესაძლებელია Botschaft der Ukraine in der Republik Österreich-ის ამ საბანკო ანგარიშზე თანხის გადარიცხვით:

IBAN: AT931200010036060043

BIC: BKAUATWW

მითითება: EU4Ukraine 

დამატებითი ინფორმაცია

პრესრელიზი