Մայիս–հունիս ամիսներին Հայաստանում կանցկացվեն 2024 թվականի Եվրոպայի օրվան նվիրված միջոցառումներ

Հայաստանում 2024 թվականի Եվրոպայի օրվան նվիրված միջոցառումներն այս տարի կանցկացվեն մայիսի 10-ից հունիսի 6-ը։

Հայաստանում ԵՄ պատվիրակությունը Երեւանում եւ հանրապետության տարբեր մարզերում կանցկացնի տոնական միջոցառումներ, ինչպես նաեւ տեղեկատվական հանդիպումներ, ցուցահանդեսներ եւ համերգներ՝ նվիրված Հայաստանում ԵՄ գործունեությանը։

Միջոցառումների ծրագիրը մեկնարկում է մայիսի 10-ին Երեւանում՝ «Եվրոպան մենք ենք» ցուցահանդեսի բացմամբ։ Մայիսի 27-ից հունիսի 6-ը Երեւանում եւ մարզերում կանցկացվի նաեւ կինոփառատոն։

Մայիսի 17-ին տոնակատարությունները կհասնեն Լոռի։ Այստեղ կանցկացվի տեղական նախագծերի տեղեկատվական ցուցահանդես, ինչպես նաեւ տարբեր տոնական միջոցառումներ եւ համերգ՝ մարզի բնակիչների համար։

Մայիսի 23-ին ցուցահանդես եւ տոնական միջոցառումներ կանցկացվեն Սյունիքում։

Գյումրիի, Օշականի եւ Վայքի եվրաակումբներում միջոցառումներ կկազմակերպեն նաեւ հայաստանցի երիտասարդ եվրոպական դեսպանները (YEAs)։

Միջոցառումների առավել մանրամասն ծրագիրը կհրապարակվի ավելի ուշ։

Իմացիր ավելին

Մամուլի հաղորդագրություն