StandWithUkraine: гранты для актывістаў грамадзянскай супольнасці з Арменіі, Азербайджану, Беларусі, Грузіі і Малдовы

На 2022 год фінансаваны ЕС Фонд грамадзянскай супольнасці Усходняга партнёрства (ФГС УП) абвяшчае конкурс на “Стыпендыі салідарнасці” для падтрымкі актывістаў грамадзянскай супольнасці з Арменіі, Азербайджану, Беларусі, Грузіі і Малдовы, якія адстойваюць актыўную грамадзянскую пазіцыю ў сувязі з вайной супраць Украіны.

Для грамадскіх актывістаў і прадстаўнікоў грамадзянскай супольнасці Украіны быў абвешчаны асобны конкурс, адмыслова распрацаваны для украінцаў.

Пададзеныя праекты павінны быць накіраваныя на падтрымку ўкраінскіх бежанцаў і актывістаў АГС, барацьбу з парушэннямі правоў чалавека і збор доказаў для будучых расследаванняў, а таксама супрацьдзеянне кампаніям па дэзынфармацыі пра крызіс і бежанцаў.

Паспяховыя кандыдаты змогуць атрымаць стыпендыю ў памеры каля 5000 еўра. Апроч гэтага, ФГС УП будзе аказваць адпаведную падтрымку стыпендыятам, каб яны маглі ўдзельнічаць у трэнінгах/вэбінарах для развіцця арганізацыйнага і функцыянальнага патэнцыялу, а таксама пашыраць кола салідарнасці з дапамогай наладжвання кантактаў з выпускнікамі папярэдніх набораў стыпендыятаў.

Заяўкі можна падаваць у любы час у электронным фармаце – яны будуць ацэньвацца на рэгулярнай аснове.

Даведацца больш і падаць заяўку:

Прэс-рэліз