“Yaşıl Bacarıqlar Mükafatı 2026” üçün müraciətlərin qəbuluna başlandı!

Fevralın 30-da Avropa Təlim Fondu (ETF) “Yaşıl Bacarıqlar Mükafatı 2026” üçün müraciətlərin qəbuluna başlayıb.

2021-ci ildə təsis edilmiş “ETF Yaşıl Bacarıqlar Mükafatı” (ETF Green Skills Award) fərdi şəxslər və qurumlar tərəfindən həyata keçirilən yaşıl bacarıqların inkişafı sahəsində innovativ təcrübələri ön plana çıxaran qlobal bir təşəbbüsdür. Bu təşəbbüs dairəvi və karbon-neytral iqtisadiyyatlar və cəmiyyətlər üçün qabaqcıl təcrübələri təşviq etməklə, ideya və ilham mənbəyi rolunu oynayır.

“Yaşıl” bacarıqların inkişafı və ya təşviqi ilə məşğul olan müxtəlif təşkilatlar və iştirakçılar, o cümlədən Şərq Tərəfdaşlığı ölkələri mükafatı almaq üçün müraciət edə bilərlər. Qaliblər aşağıdakı kateqoriyalar üzrə müəyyən ediləcək:

• “Yaşıl” bacarıqları real iş prosesinə inteqrasiya edən işəgötürənlər və KOB-lar.
• Cəmiyyətin həssas qruplarını dəstəkləyən sosial tərəfdaşlar və QHT-lər.
• Karbonsuzlaşdırmanı praktiki təlimlərə çevirən peşə təhsili və təlimi müəssisələri.
• Dayanıqlılığı tədris edən məktəblər.
• Ədalətli yaşıl iş yerləri üçün imkanlar açan məşğulluq xidmətləri.
• Dayanıqlılığı maraqlı və əlçatan edən yaradıcı və nüfuzlu şəxslər.

Finalçılar və qaliblər aşağıdakı imkanlardan yararlanırlar:

• ETF, Avropa Komissiyası və EEAS kanalları vasitəsilə dünya miqyasında tanınma.
• Onların fəaliyyətini qlobal auditoriyaya təqdim edən peşəkar sənədli filmlər.
• Aİ-nin Yaşıl Həftəsi (EU Green Week) və ETF Bacarıqlar Sammiti kimi mühüm Aİ tədbirləri zamanı təşviqat.
• Həmkarlar və siyasətçilərlə yeni tərəfdaşlıq və şəbəkələşmə imkanları.

2026-cı ildə təbiətin bərpası və qorunması sahəsindəki müstəsna təşəbbüsləri qeyd etmək üçün xüsusi #ForOurPlanet mükafatı da təqdim ediləcək.

Müraciətlər EU Survey platforması vasitəsilə ingilis və ya hər hansı digər dildə təqdim edilə bilər (qiymətləndirmə üçün süni intellekt vasitəsilə tərcümə olunacaq).

Ərizələrin son qəbulu tarixi 27 mart 2026-cı ildir.

Ötən illərin finalçıları arasında müxtəlif ölkələrdən, o cümlədən Ermənistan (TUMO Labs), Azərbaycan (Inkoel), Belarus (Volma), Gürcüstan ((Məktəbdə kənd təsərrüfatı təhsili; Dayanıqlı İnkişaf Akademiyası K4S; Construct2), Moldova (Yaşıl Təlimçilər üçün təlimlər) və Ukraynadan (Emau; Enerji səmərəliliyi layihəsində peşəkar kvalifikasiyalar; Taras Şevçenko adına Milli Universitet) olmuşdur.

Avropa Təlim Fondu (ETF) təhsil, təlim və əmək bazarı sistemlərinin islahatında Avropa İttifaqına (Aİ) qonşu olan ölkələrə dəstək göstərən Aİ agentliyidir. 

Daha çox öyrənin

Əzirə qəbulu haqqında elan