Vakansiya: Aİ-nin maliyyələşdirdiyi “PPRD East” Proqramı üçün yerli əlaqələndirici vəzifəsinə işçi qəbul olunur

İsveç Mülki Fövqəladə Hallar Agentliyi (MSB) Aİ tərəfindən maliyyələşdirilən “Şərq Tərəfdaşlığı ölkələrində təbii və insan fəaliyyəti nəticəsində meydana gələn fəlakətlərə qarşı profilaktika, hazırlıq və reaksiya proqramının üçüncü fazası” (PPRD East 3) üçün Azərbaycanda yarımştat yerli əlaqələndirici vəzifəsinə işçi qəbul edir.  

“PPRD East” proqramının üçüncü fazası Şərq Tərəfdaşlığı ölkələrində fəlakət riskinin azaldılması, böhranların idarə edilməsinin gücləndirilməsi, tərəfdaş ölkələr arasında və Aİ-nin Mülki Müdafiə Proqramı ilə regional əməkdaşlığın təşviqi məqsədilə 2020-ci ildə icra olunmağa başlayıb. Proqram Azərbaycan, Ermənistan, Gürcüstan, Moldova və Ukraynada fəaliyyət göstərir.

Yerli əlaqələndirici layihənin fasilitatorlarına və ekspertlərinə gündəlik texniki dəstək göstərəcək, ekspert missiyalarının maddi-texniki təminatının təşkilinə, Azərbaycanda keçirilən təlimlərin, seminarların və digər layihə tədbirlərinin təşkilinə köməklik edəcək. O, həmçinin proqram və fəaliyyətlərdə iştirak edən digər maraqlı tərəflər arasında sıx iş əlaqələrini inkişaf etdirərək Azərbaycan və İngilis dillərində tərcümədə köməklik göstərəcək.

Yarımştat vəzifə üçün əmək haqqı aylıq 700 avro təşkil edir. 

Müraciətlərin son qəbulu tarixi avqustun 18-dir. 

Daha çox öyrən

Mətbuat üçün açıqlama