Şəbəkə və mübadilə: altı Şərq Tərəfdaşlığı ölkəsində fəaliyyət göstərən vətəndaş cəmiyyəti təşkilatları üçün səyahət qrantları veriləcək  

Avropa İttifaqı (Aİ) tərəfindən maliyyələşdirilən “Şərq Tərəfdaşlığında Vətəndaş Cəmiyyətinin Dayanıqlığının Artırılması “(ERICS-EaP) layihəsi altı Şərq Tərəfdaşlığı (ŞT) ölkəsindən vətəndaş cəmiyyəti təşkilatlarının (VCT-lər) nümayəndələri, vətəndaş cəmiyyəti fəalları və liderləri və qeyri-rəsmi qrupların nümayəndələri arasında regional şəbəkələrin qurulmasını, mübadilə və əməkdaşlığın təşviqi məqsədilə fərdi səyahət qrantlarının ayrılması üçün müraciətlərin qəbuluna başlayıb.

Transatlantik Fondu (TF) ABŞ-ın Alman Marşal Fondunun Qara Dəniz Regional Əməkdaşlıq Fondu proqramı ilə birgə layihəyə rəhbərlik edir. 

Layihədə vətəndaş cəmiyyəti nümayəndələrinə, vətəndaş cəmiyyəti fəallarına və liderlərinə və qeyri-rəsmi qrupların nümayəndələrinə mövcud regional şəbəkələşmə tədbirlərində, forumlarda və birgə təşəbbüslərdə iştirak etməyə imkan yaratmaq üçün növbəti iki il yarım müddət ərzində hər biri maksimum 1 500 avro olmaqla 50 səyahət qrantının verilməsi nəzərdə tutulub. 

Altı Şərq Tərəfdaşlığı ölkəsindən birində çalışan (istisna: mühacirətdə olan VCT-lər) liderlər, heyət, könüllülər, vətəndaş cəmiyyəti fəalları və liderləri, qeyri-rəsmi qrupların nümayəndələri daxil olmaqla vətəndaş cəmiyyətinin nümayəndələri layihədə iştirak edə bilər. 

Konkret son tarix təyin edilməyib. Müraciətlərinizi davamlı olaraq bu e-poçt ünvanına göndərə bilərsiniz. 

Daha çox öyrən

Mətbuat üçün açıqlama