IT4Society: Aİ-ŞT Hakatonuna qeydiyyat başladı 

Avropa İttifaqı tərəfindən maliyyələşdirilən Şərq Tərəfdaşlığı Vətəndaş Cəmiyyəti Proqramı (EaP CSF) Şərq Tərəfdaşlığı ölkələrində texnologiya sahəsi ilə maraqlanan şəxsləri Vətədaş cəmiyyəti texnologiyalarının sürətləndirilməsi hakatonu- 2023 üçün qeydiyyatdan keçməyə dəvət edir. 

Hakatonda Şərq Tərəfdaşlığı ölkələri olan Azərbaycan, Belarus, Ermənistan, Gürcüstan, Moldova və Ukraynada şəffaflıq və cavabdehliyi yaxşılaşdırmağa, icmaların konkret ehtiyaclarını qarşılamağa və dövlət xidmətlərini təkmilləşdirməyə kömək edən texnoloji həllərin üzərində iş aparılacaq. 

2023-cü il üzrə hakaton 2023-cü il mayın 12-dən iyunun 10-a qədər onlayn formatda təşkil olunacaq. Vətəndaş cəmiyyətini təmsil edən on beş komanda ŞT və Aİ-dən olan mentorlarla, İT sahəsində çalışan peşəkarlarla və qrafik dizaynerlərlə birgə öz prototip layihələri üzərində işləyəcəklər. 

Onlar həmçinin 2023-cü il üzrə Vətəndaş Cəmiyyəti Rəqəmsallaşdırma Mükafatı üçün mübarizə aparacaqlar. Bu mükafat hakaton iştirakçıları tərəfindən təklif olunan bir (və ya daha artıq) texnoloji həllərin tam tərtibatını və işə salınmasını dəstəkləyir. Hər bir qalib üzrə dəstəyin məbləği orta hesabla 10 000 avro təşkil edir. İstisna hallarda bu məbləğ 12 000 avroya qədər artırıla bilər.

EaP CSF Şərq Tərəfdaşlığı ölkələrindən texnoloji həllin mövcud prototipinə və onun təkmilləşdirilməsi üzərində işləmək üçün minimum texniki bacarıqlara malik komandalardan ərizələr qəbul edir. Müraciətlərin təqdim olunması üçün son tarix 24 apreldir.

Şərq Tərəfdaşlığı və Aİ-dən hakaton komandalarına prototipləri ilə kömək etməkdə maraqlı olan texniki ekspertlər, İT mütəxəssisləri və qrafik dizaynerləri də müraciət etməyə dəvət olunur. Onlar öz bilik və təcrübələri ilə komandaların bacarıqlarını tamamlayaraq, istədikləri istənilən mövcud komandaya qoşula biləcəklər. Müraciətlərin təqdim olunması üçün son tarix 1 maydır.

Daha çox öyrən

Mətbuat üçün açıqlama