EU4LANKARAN: Azərbaycanda meyvə-tərəvəz sahəsində qrant müsabiqəsi 

EU4LANKARAN proqramı Lənkəran-Astara iqtisadi rayonunda meyvə-tərəvəz emalı sahəsində fəaliyyət göstərən istehsalçılar arasında qrant müsabiqəsi elan edib.  

Müsabiqə Avropa İttifaqı tərəfindən maliyyələşdirilən və BMT-nin İnkişaf Proqramı (BMTİP) tərəfindən icra olunan “Lənkəran-Astara İqtisadi Rayonunda Meyvə-Tərəvəz Sektorunda Rəqabət Qabiliyyətinin, Əməkdaşlığın və Müasirləşmənin Təşviqi” layihəsi çərçivəsində təşkil olunur. 

Layihənin məqsədi meyvə-tərəvəz emalı sahəsində çalışan sahibkarları müasir (istehsal, emal, logistika, marketinq) vasitələr və xidmətlərlə təmin edərək onların səriştəsini artırmaqdır. 

Ümumi dəyəri 3 milyon avro olan dəstək mexanizminin resurslarından yararlanmaq üçün azı 35 benefisiar seçiləcək. Kəndlərdə yaşayan ailələrin üzvləri, fəhlələr və digər iştirakçılar daxil olmaqla ümumilikdə azı 3 000 nəfərin layihədən uzunmüddətli perspektivdə bütün səviyyələrdə faydalanacağı gözlənilir.

Müraciət üçün son tarix mayın 1-dir.

Daha çox öyrən

Mətbuat üçün açıqlama