Erasmus Mundus Birgə Magistr Proqramı və İqtisadi siyasətlər üzrə təqaüd proqramı üçün müraciət edin

Avropa Komissiyası beynəlxalq siyasi iqtisadiyyat və iqtisadiyyat sahəsində institusionalist yanaşmalarla maraqlanan şəxsləri Qlobal Keçid üzrə İqtisadi Siyasətlər (EPOG+) proqramına müraciət etməyə dəvət edir. 

Bu, Aİ tərəfindən dəstəklənən və gələcəyin problemlərinin həllinə yönəlmiş ikiillik, inteqrasiya olunmuş, dünya səviyyəli magistr proqramıdır. Proqram iqtisadi siyasətin qarşılıqlı asılılıqlarını daha geniş izah etməklə konkret sahələr üzrə müasir bilik və bacarıqlara malik ekspertlər və yüksək ixtisaslı tədqiqatçılar tərəfindən hazırlanır.

Seçilmiş ixtisasdan asılı olaraq (A – bilik, innovasiya və rəqəmsal keçid; B – makroiqtisadiyyat, maliyyə və sosial-iqtisadi keçid; C – inkişaf, dayanıqlı inkişaf və ekoloji keçid) tədrisin ilk ili Avropanın müxtəlif universitetlərində keçiriləcək. Kurslar İngilis dilində tədris olunacaq.

Şərq Tərəfdaşlığı ölkələrindən olan tələbələr aylıq 1 000 avro müavinətin və səyahət və yerləşmə xərcləri üçün 5 000-7 000 avro vəsaitin ödənildiyi təqaüd üçün müraciət edə bilərlər.

Müraciət üçün son tarix 31 yanvar 2022-ci ildir.

Daha çox öyrən

Mətbuat üçün açıqlama