Dayanıqlı Enerji Həftəsi çərçivəsində ölkənizdə bu sahədə bacarıqların inkişafına yönəlmiş tədbir təşkil edin

Dayanıqlı Enerji Həftəsi Günləri dünyanın hər yerində keçirilir və təmiz enerji və enerjinin səmərəliliyini təşviq etməklə yanaşı, bu sahədə davranışları dəyişməyə və innovasiyaların tətbiqinə həvəsləndirir. Bunlar Avropa İttifaqı Dayanıqlı Enerji Həftəsinin (EUSEW) mühüm komponentləridir. Hər il keçirilən bu həftə Avropada bərpa olunan enerji və enerjidən səmərəli istifadə mövzusuna həsr olunur və adətən 20-22 iyun tarixlərində təşkil olunur.

2023-cü ildə Dayanıqlı Enerji Günləri 30 iyun tarixinədək təşkil olunacaq. Bu tədbirlərdə müxtəlif mövzuları əhatə edən hər cür formatda və müddətdə tədbirlər təşkil olunacaq. Dayanıqlı Enerji Günü ilə bağlı təşkil olunacaq tədbirlərdə bu sahədə məlumatlılığın artırılması, konkret fəaliyyət, yaxud müəyyən bir texnologiya və ya siyasət diqqət mərkəzində ola bilər. Belə tədbirlər yerli icma, yaxud bütöv regionun əhalisi üçün təşkil oluna bilər. Dayanıqlı Enerji Günləri dövlət, yaxud özəl binalarda, eləcə də bağlı, yaxud açıq məkanlarda keçirilə bilər. Ötən illərdəki tədbirlər məktəblərdə, parklarda, şəhər meydanlarında, fabriklərdə və konfrans zallarında keçirilib. 

Avropa Bacarıqlar İli çərçivəsində Avropa ölkələri vətəndaşlarını təmiz enerji üzrə keçidə hazırlamaq üçün lazimi bacarıqlarla təmin etməyə yönəlmiş tədbirlər xüsusilə arzuolunandır. 

İstənilən auditoriya üçün istənilən şəxs tərəfindən təşkil edilə bilən Dayanıqlı Enerji Günü üçün tədbirdə təmiz enerji və enerjinin səmərəliliyinin əhəmiyyəti açıq şəkildə vurğulanmalıdır. Təşkil ediləcək tədbirlər ödənişsiz olmalı və azı 10 nəfər iştirakçıdan ibarət olmalıdır.

Dayanıqlı Enerji Günü üçün tədbir təşkil etmək məqsədilə ərizələrin son qəbulu tarixi 15 iyundur.

Daha çox öyrən

Mətbuat üçün açıqlama

Avropa Dayanıqlı Enerji Həftəsi (EUSEW)