Azərbaycanda meyvə-tərəvəz istehsalçıları arasında elan edilən qrant müsabiqəsinə müraciətin son tarixi 24 mayadək uzadıldı

EU4Lankaran proqramı Lənkəran-Astara İqtisadi Rayonunda meyvə-tərəvəz sektorunda fəaliyyət göstərən istehsalçılar arasında elan edilən qrant müsabiqəsinə müraciətin son tarixini 24 mayadək uzadıb.

Müsabiqə Avropa İttifaqı (Aİ) tərəfindən maliyyələşdirilən və BMT-nin İnkişaf Proqramı (BMTİP) tərəfindən həyata keçirilən “Lənkəran-Astara iqtisadi regionunda meyvə-tərəvəz sektorunda rəqabət qabiliyyətinin, əməkdaşlığın və müasirləşmənin təşviqi” layihəsi çərçivəsində elan edilib.

Layihə meyvə-tərəvəz emalı sektorunda çalışan sahibkarlara müasir (istehsal/emal/logistika/marketinq) alətlər və xidmətlər təqdim etməklə onların potensialını artırmaq məqsədi daşıyır.

Müsabiqədə azı 35 benefisiar seçiləcək və onlara ümumi məbləği 3 milyon avroya çatan dəstək mexanizmlərindən yararlanmaq imkanı veriləcək. Ailə üzvləri daxil olmaqla kəndlərdə yaşayan ümumilikdə 3 000 şəxsin bütün səviyyələrdə layihədən faydalanacağı gözlənilir.  

Daha çox öyrən

Mətbuat üçün açıqlama

Elan