Azərbaycan: tvinninq layihəsi üçün tam ştat tərcüməçi axtarılır

Aİ tərəfindən maliyyələşdirilən “Azərbaycanda yol hərəkətinin təhlükəsizliyinin artırılması” adlı tvinninq layihəsi 1 sentyabr tarixindən tam ştat tərcüməçi vəzifəsinə işçi qəbulu elan edir. 

Layihə Avropa İttifaqı tərəfindən maliyyələşdirilir və Azərbaycan Rəqəmsal İnkişaf və Nəqliyyat Nazirliyi ilə birgə Aİ-nin Nəqliyyat Layihələri üzrə Mərkəzi tərəfindən icra olunur. 

Sözügedən vəzifə Nazirlikdə yerləşir.

Tərcüməçi Tvinninq Layihə üzrə müşavirə (RTA) tərcümə işlərində, ekspertlərin qısamüddətli səfərlərində və onlayn fəaliyyətlərdə kömək edəcək.

Namizədlər İngilis dilini (C2) və Azərbaycan dilini (doğma dil) mükəmməl səviyyədə bilməli (həm yazı, həm də şifahi), İngilis dili və/və ya ədəbiyyatı sahəsində ali təhsil almalı, yazılı və şifahi tərcümə ilə bağlı təcrübəsi olmalı və mükəmməl təşkilatçılıq qabiliyyətinə malik olmalıdırlar.

Ərizə ilə müraciət üçün son tarix avqust ayının 2-dir.

Daha çox öyrən

Vakansiya barədə elan