Azərbaycan: jurnalistlər üçün “Media savadlılığı və dezinformasiya” mövzusunda təlimin təşkili üzrə tender keçirilir

Avropa İttifaqının Azərbaycandakı Nümayəndəliyi 2022-ci il 27-29 yanvar tarixlərində jurnalistlər üçün “Media savadlılığı və dezinformasiya” mövzusunda təlimin təşkili üzrə tender keçirir.

Təlimdə dezinformasiyanın daha yaxşı müəyyənləşdirilməsi və onunla mübarizə məsələləri diqqət mərkəzində olacaq.

Aİ-nin Azərbaycandakı Nümayəndəliyi həmçinin beynəlxalq təlimçiləri 2022-ci il 27-29 yanvar tarixlərində Qusar rayonunda yerləşən Şahdağ turizm mərkəzində ikigünlük təlim keçməyə dəvət edir. Tenderdə qalib gələn tərəf təlimçilər üçün aviabiletlərin alınmasında, mehmanxanada yerləşdirilməsində, əyani materialların hazırlanmasında, təlimçilərin əmək haqlarının ödənilməsində və digər xidmətlərin göstərilməsində Nümayəndəliyə kömək edəcək. 

İştirak etməkdə maraqlı olan şəxslər dekabrın 26-na qədər elektron poçt vasitəsilə müraciət etməlidirlər.

Daha çox öyrən

Mətbuat üçün açıqlama