Azərbaycan: Bakıda Avropa milli geyimlərinin sərgisi açılıb

Avropa İttifaqının Azərbaycandakı Nümayəndəliyi hər kəsi “FantazEU” Mədəni İrs Festivalı çərçivəsində Avropa İttifaqına üzv dövlətlərin səfirlikləri ilə birgə təşkil edilən ilk Avropa milli geyimlərinin sərgisinə dəvət edir.

Sərgi noyabrın 27-dən 30-dək Bakıdakı Milli Azərbaycan Tarixi Muzeyində baş tutacaq. Tədbir saat 11:00-dan 17:00-dək açıqdır.

FantazEU Festivalı 2018-ci ildən Aİ-nin Azərbaycandakı Nümayəndəliyi tərəfindən təşkil edilən Fantazia Mədəni İrs Festivalının davamıdır. O, Avropa və Azərbaycan mədəni irsi arasında əlaqələrin nümayişi daxil olmaqla, Azərbaycanda Avropa mədəni müxtəlifliyini təşviq etmək məqsədi daşıyır.

Festival öz adını Fantazia hamamından götürüb. Avropa və yerli memarlıq elementlərini özündə birləşdirən hamam 19-cu əsrin sonlarında Bakıda tikilib.

Daha çox öyrən

Mətbuat üçün açıqlama