Avropa Həmrəylik Korpusu: Azərbaycan və Gürcüstandan olan şəxslər üçün Polşada uzunmüddətli könüllülük imkanı

Polşanın Vroslav şəhərindəki demokratiya məktəbi (Fundacja Integracji Spolecznej Prom) Azərbaycan və Gürcüstandan olan könüllüləri 1 sentyabr 2025-ci ildən 30 iyun 2026-cı il tarixinədək uzunmüddətli könüllü fəaliyyətində iştirak etməyə dəvət edir.

Könüllü müəllimlərə dəstək olmaq və uşaqların gündəlik fəaliyyətlərində onlara kömək etmək, əyləncəli və maraqlı tədbirlər təşkil etmək üçün çalışacaqlar. 

Könüllü başqa bir könüllü ilə iki otaqlı mənzildə qalacaq. Ona hər ay cib pulu (150 avro), yemək pulu (650 PLN) və yerli nəqliyyat üçün kart veriləcək. Vroslava və geriyə gediş-gəliş xərci ESC qaydalarına uyğun olaraq ödənilir. Könüllülər üçün polyak dili dərsləri 2-3 ay davam edəcək, iştirak mütləqdir.

Namizədlər ingilis dilini mükəmməl bilməli, öyrənməyə və ya bacarıqlarını təkmilləşdirməyə hazır olmalı, eləcə də böyük qruplarla və qarışıq mühitdə işləməkdən qorxmamalı, məsuliyyətli və etibarlı, yaradıcı, mehriban, sərbəst və həssas olmalı, uşaqlarla iş təcrübəsi (skautluq, müəllimlik və s.) olmalı və heç bir cinayət keçmişi olmamalıdır.

Müraciət üçün son tarix mayın 31-dir.

Daha çox öyrən

Mətbuat üçün açıqlama