Aİ və BMTİP Azərbaycanın Lənkəran-Astara İqtisadi Rayonunda birgə təşəbbüslərin dəstəklənməsi məqsədilə qrant müsabiqəsi elan edir

Avropa İttifaqı (Aİ) və BMT-nin İnkişaf Proqramı (BMTİP) Lənkəran-Astara İqtisadi Rayonunda birgə təşəbbüslərin dəstəklənməsi məqsədilə qrant müsabiqəsi elan edir.

Müsabiqə Avropa İttifaqı tərəfindən maliyyələşdirilən, BMTİP və Azərbaycan Respublikasının Kənd Təsərrüfatı Nazirliyi tərəfindən icra edilən “Lənkəran-Astara İqtisadi Rayonunda Meyvə-Tərəvəz Sektorunda Rəqabət Qabiliyyətinin, Əməkdaşlığın və Müasirləşmənin Təşviqi” (EU4Lankaran) layihəsi çərçivəsində keçirilir. 

Qrant müsabiqəsində meyvə-tərəvəz dəyər zəncirinin iştirakçılarını dəstəkləmək üçün qalib gəlmiş təşəbbüslərə 10 000 – 200 000 avro məbləğində nağdsız yardım göstəriləcək. 

Müsabiqəyə qeyri-rəsmi təsis edilmiş meyvə-tərəvəz dəyər zənciri iştirakçıları (minimum 10 üzv), üzvlərinin maksimum 10 ha torpaq sahəsi olduğu fermer birlikləri; kooperativlər və birliklər; minimum 20 meyvə-tərəvəz istehsalçısı və ya yetişdiricisi ilə birləşmiş meyvə-tərəvəz aqreqatorları; qadın qrupları (minimum 10 üzv); gənclər (18-29 yaş) qrupları (minimum 10 üzv) kimi müxtəlif təşəbbüslər müraciət edə bilər.

Ərizələrin son qəbulu tarixi 12 sentyabr 2024-cü ildir. 

Daha çox öyrən

Mətbuat üçün açıqlama