Aİ-nin “Yaşıl Gələcək” yarışması: Azərbaycanlı tələbələr innovativ “yaşıl” texnoloji həllər təqdim etməyə dəvət olunurlar

Aİ-nin Azərbaycandakı Nümayəndəliyi “Yaşıl Gələcək” adlı bilik yarışına start verib və gəncləri sahibkarlıq müəssisələri üçün innovativ “yaşıl” texnoloji həllər təqdim etməklə yarışmaya qoşulmağa dəvət edib. Yarışmanın məqsədi gəncləri biznes dünyasında dayanıqlığı və ətraf mühitlə bağlı məsuliyyət təşviq edən ideyalar işləyib hazırlamağa həvəsləndirməkdir. 

Gənclər sənaye liderləri, yüksək vəzifəli şəxslər və dayanıqlıq sahəsindəki ekspertlərdən ibarət nüfuzlu auditoriya qarşısında ideyalarını təqdim etmək və dəyərli təcrübə qazanmaq imkanı əldə edəcəklər.

Yarışmaya qoşulmaq üçün dörd üzvdən ibarət komanda yaratmalısınız.

Yarışma yuxarı sinif şagirdləri (8-ci sinif və daha yuxarı) və hal-hazırda bakalavr və ya magistr dərəcəsi üzrə təhsil alan tələbələr üçün nəzərdə tutulub. Hər bir komanda ideyalarını müsabiqənin müxtəlif səviyyələrində münsiflər heyəti qarşısında təqdim etmək və müdafiə etməlidir və bu səbəbdən iştirakçılar təqdimatla çıxış etmək qabiliyyətinə malik olmalıdırlar.

Daha ətraflı məlumat və müraciət etmək üçün: https://forms.gle/QfeVzgtwAEPYH5yS6

Müraciət üçün son tarix 13 yanvar saat 13:00-dur.

Daha çox öyrən

Müsabiqə haqqında elan və ərizə forması