Kulinariya akademiyası, ekoloji təmiz qida köşkü və onlayn rəqs dərsləri: Aİ-nin maliyyələşdirdiyi layihə qaliblərin adlarını açıqlayıb

Avropa İttifaqının (Aİ) maliyyələşdirdiyi və BMT-nin İnkişaf Proqramı (BMTİP) tərəfindən həyata keçirilən “Azərbaycanda innovasiya əsaslı və dayanıqlı vətəndaş cəmiyyətinin inkişafı” layihəsi qrant dəstəyi üçün müraciət edən bir sıra innovativ ideyala sahiblərinin adlarını açıqlayıb.

Bu ideyalara kulinariya akademiyasının yaradılması, ekoloji təmiz qida köşklərinin qurulması, onlayn rəqs dərslərinin keçirilməsi, alış-veriş zamanı ianələrin edilməsi və bir sıra başqa ideyalar daxildir.  

2023-cü ilin aprel ayında 70-dən artıq vətəndaş cəmiyyəti təşkilatının nümayəndəsi və sosial sahibkar İdeyalaşdırma düşərgəsində iştirak ediblər. Onlar düşərgədə qazandıqları biliklərdən istifadə edərək, bu maraqlı ideyaları gəlirli biznesə çevirmək məqsədilə ərsəyə gətiriblər. Müsabiqə nəticəsində seçilmiş 40 ən yaxşı ideya sahibi inkubasiya və akselerasiya mərhələsinə keçərək ideyalarını reallaşdırmaq fürsəti əldə edib.

Daha çox öyrən

Mətbuat üçün açıqlama