Aİ Ukrayna üçün hərbi dəstək məqsədilə ayrılan maliyyə vəsaitini ikiqat artıraraq 1 milyard avroya çatdıracaq

Bu gün Aİ-nin Ali Nümayəndəsi Cozep Borrel bildirib ki, Avropa İttifaqı (Aİ) Ukraynaya hərbi yardım məqsədilə ayrılan maliyyə vəsaitinin həcmini ikiqat artıraraq 1 milyard avroya çatdıracaq.

Borrel Fransa paytaxtındakı Versal sarayında keçirilən zirvə görüşü zamanı 27 Aİ ölkəsi lideri arasında sözügedən məsələ ilə bağlı razılığın əldə edildiyini deyib. “[Razılığın əldə olunması] heç də çətin olmadı. Hamı çox gözəl başa düşürdü ki, biz Ukraynaya hərbi dəstəyimizi artırmalı, Rusiyaya isə təzyiqləri davam etdirməliyik. Beləliklə, daha 500 milyon avro ayrılacaq.”

O, Aİ liderlərinin bu səhər qərarı imzalamağa hazır olduqlarını bildirib: “Mən maliyyə yardımını ikiqat artırmaq, Ukrayna Silahlı Qüvvələri üçün hərbi [təchizat] məqsədilə daha 500 milyon avro ayırmaq və oliqarxlara və Rusiya iqtisadiyyatına əlavə sanksiyalar barədə düşünməyə davam etmək təklifini vermişəm… Biz bunu edəcəyik və əminəm ki, [Avropa] Liderləri bu səhər bunu təsdiq edəcəklər”, o deyib və əlavə edib ki, “hadisələr sürətlə cərəyan etdiyi üçün bu işin dərhal həyata keçirilməsi gözlənilir”.

Daha çox öyrən

Mətbuat üçün açıqlama