საქართველოში ევროკავშირის წარმომადგენლობა ახალგაზრდა კურსდამთავრებულების სტაჟირებას დააფინანსებს

საქართველოში ევროკავშირის წარმომადგენლობა იწვევს ახალგაზრდა კურსდამთავრებულებს, შეიტანონ განაცხადი ექვსთვიან დაფინანსებულ სტაჟირებაზე თანამშრომლობის განყოფილებაში. კონკურსანტები უნდა ცხოვრობდნენ საქართველოში და დაინტერესებულები იყვნენ საერთაშორისო ურთიერთობებით. სტაჟირება 1 სექტემბერს დაიწყება.

სტაჟიორის ძირითადი მოვალეობები იქნება: 

• საქართველოში ევროკავშირის მიერ დაფინანსებული პროექტების დაგეგმვასა და განხორციელებასთან დაკავშირებული საქმიანობის მონიტორინგი, ანალიზი და ანგარიშგება;
• ვიზიტების, ღონისძიებების და კონფერენციების დაგეგმვაში, ორგანიზებასა და უკუკავშირში მონაწილეობის მიღება;
• ხელმძღვანელობის ქვეშ დოკუმენტების კვლევა, ბრიფინგების დაგეგმვა და სხვადასხვა სახის სავარჯიშოების მომზადებაში დახმარება; 
• ახალი ამბების მონიტორინგი და ანგარიშგება საჭიროების მიხედვით.

საკონკურსო განაცხადების შეტანის ბოლო ვადაა 21 მაისი.

ინფორმაცია ვაკანსიის შესახებ

დაფინანსებული სტაჟირება თანამშრომლობის განყოფილებაში