საგრანტო კონკურსი არასამთავრობო ორგანიზაციებისთვის: სოციალურ მომსახურებაზე წვდომის გაუმჯობესება დროებით ადგილნაცვალი პირებისთვის

გამოცხადდა საგრანტო კონკურსი საქართველოში რეგისტრირებული არასამთავრობო ორგანიზაციებისთვის. მისი მიზანი ქვეყნის შიგნით დროებით ადგილნაცვალი პირებისთვის სოციალური მომსახურებების მუნიციპალურ დონეზე ხელმისაწვდომობის გაუმჯობესებაა.

კონკურსი ევროკავშირის მიერ დაფინანსებული და Expertise France-ისა და ჩეხეთის განვითარების სააგენტოს მიერ განხორციელებული პროექტის, „სოციალური დაცვის გაძლიერება საქართველოში“, ფარგლებში ტარდება. მისი მიზანია, დაეხმაროს საქართველოს მთავრობას და სახელმწიფო ორგანიზაციებს სოციალური მომსახურების გაუმჯობესებაში და მტკიცებულებაზე დაფუძნებული პოლიტიკის შემუშავებისა თუ სოციალური დაცვის უფლებების გაძლიერების საკითხებში.

საგრანტო კონკურსზე პროექტების წარდგენა შემდეგი სახის საქმიანობათა განსახორციელებლადაა შესაძლებელი: სხვადასხვა მუნიციპალიტეტში ადგილნაცვალი პირების მდგომარეობის სწრაფი შეფასება, მათთვის მუნიციპალური მომსახურების ხელმისაწვდომობის და მათი უფლებების დაცვის უზრუნველყოფა; ამ სფეროში მომუშავე სხვადასხვა საერთაშორისო ორგანიზაციასთან ინტერვიუების ჩატარება; ქვეყნის შიგნით ადგილნაცვალი პირებისთვის ინფორმაციის მიწოდების მიზნით საკომუნიკაციო არხების და სოციალური პლატფორმების შეთავაზება; ადგილობრივი ტრენინგების და აქტივობების იმ მიზნით ორგანიზება, რომ ადგილნაცვალ პირებს მიეწოდოთ ინფორმაცია სოციალური დაცვის სერვისებისა თუ მათზე წვდომის მეთოდების შესახებ და სხვა.

საგრანტო დაფინანსების მაქსიმალური მოცულობაა 20,000 ევრო.

განაცხადების შეტანის ბოლო ვადაა 20 აგვისტო.

დამატებითი ინფორმაცია

პრესრელიზი