მიიღეთ მონაწილეობა ახალი ევროპული ბაუჰაუსის კონკურსში

ევროკომისია ცალკეულ პირებსა და ორგანიზაციებს ახალი ევროპული ბაუჰაუსის კონკურსში მონაწილეობის მისაღებად იწვევს.

კონკურსი გამოავლენს უკვე არსებულ საუკეთესო, მდგრად და ინკლუზიურ მიღწევებს და, ამასთან, მხარს დაუჭერს ახალ თაობას თანამედროვე კონცეფციების და იდეების განვითარებაში. 

პრიზებით დაჯილდოვდებიან როგორც დასრულებული პროექტები („ახალი ევროპული ბაუჰაუსის ჯილდოები“), ისე წარმატებული იდეების მქონე ახალგაზრდები, რომელთა ასაკი მაქსიმუმ 30 წელია („ახალი ევროპული ბაუჰაუსის ამომავალი ვარსკვლავები“). ჯილდოები ოთხ ძირითად კატეგორიაში გაიცემა: ბუნებასთან კავშირის აღდგენა; ერთიანობის აღდგენა; პრიორიტეტების მინიჭება ადგილებისა და ადამიანებისთვის, რომელთაც ეს ყველაზე მეტად სჭირდებათ; და ცირკულარული ინდუსტრიული ეკოსისტემის ფორმირება და „სრული ციკლის გათვალისწინებითი მიდგომის“ მხარდაჭერა. 

ევროკავშირის არარეზიდენტებს კონკურსში მონაწილეობა შეუძლიათ იმ პირობით, თუ მათი პროექტი/იდეა ევროკავშირში იქმნება/შეიქმნება და ხორციელდება/განხორციელდება.

ახალი ევროპული ბაუჰაუსის კონკურსის გამარჯვებულს 30,000 ევრო გადაეცემა, ხოლო ახალი ევროპული ბაუჰაუსის ამომავალ ვარსკვლავს — 15,000 ევრო. 

განაცხადების შეტანის ბოლო ვადაა 28 თებერვალი.

დამატებითი ინფორმაცია

პრესრელიზი