კონკურსი ქართული საწარმოებისთვის ევროპულ ბაზრებზე ექსპორტის გასაფართოებლად

პროექტმა „წვდომა საექსპორტო ბაზრებზე“ (IA2M), რომლის თანადამფუძნებლები არიან ევროკავშირი და გაეროს განვითარების პროგრამა (UNDP საქართველო), ქართული სოციალური საწარმოებისთვის კონკურსი გამოაცხადა.

კონკურსი „ინოვაციური გამოწვევა – სოციალური საწარმოები“ მიზნად ისახავს ქართული სოციალური საწარმოების მხარდაჭერას, რომელთაც სურთ ევროკავშირში და ევროპის ქვეყნებში ექსპორტის დაწყება, გაგრძელება და განახლება.

საკონკურსო განაცხადების შეტანა შესაძლებელია 2025 წლის 26 ნოემბრამდე. 

ოთხწლიანი ინიციატივა „წვდომა საექსპორტო ბაზრებზე“ (IA2M), რომლის მთლიანი ბიუჯეტი 5,162,000 ევროა, მიზნად ისახავს მცირე და საშუალო საწარმოების გაძლიერებას საქართველოში; ეს მოხდება მათი პოტენციალის ზრდით ღირებულებათა ჯაჭვის გასაძლიერებლად და ევროკავშირის და ევროპის ბაზრებზე წვდომის უზრუნველსაყოფად.

დამატებითი ინფორმაცია

პრესრელიზი