კონკურსი ახალგაზრდა ხელოვანებისთვის რუმინეთში Arts Lab 5.0 პროექტში მონაწილეობის მისაღებად

ახალგაზრდა ხელოვანებს საქართველოდან, მოლდოვის რესპუბლიკიდან, სომხეთიდან და უკრაინიდან ხელოვნების ლაბორატორიის (Arts Lab) მეხუთე კონკურსზე ბოლო ორი ადგილის მოსაპოვებლად იწვევენ. კონკურსი რუმინეთის ქალაქ ტირგუ-ფრუმოსში ევროპის სოლიდარობის კორპუსის ორგანიზებით ტარდება.

თუ ხარ 18-იდან 30 წლამდე ასაკის ხელოვანი, ნებისმიერი სახის გამოცდილებისა თუ განათლების დონის მიუხედავად შეგიძლია, მონაწილეობა მიიღო Arts Lab 5.0 პროექტში.

შერჩეული მოხალისეები ჩაერთვებიან ისეთ აქტივობებში, როგორიცაა ხელოვნების რეზიდენციები, ხელოვნების ლაბორატორიის ქარავნის მოგზაურობა რუმინეთსა და მოლდოვის რესპუბლიკაში, შემოქმედებითი ინსტალაციებისა და ხელოვნების ნიმუშების შექმნა ახალგაზრდებთან ერთად, ფესტივალების და ღონისძიებების ორგანიზება და მრავალფეროვან აუდიტორიასთან დასაკავშირებლად ახალი გზების ძიება. მოხალისეების ნამუშევრები ქალაქის ოთხ ექსპერიმენტულ მუზეუმში განთავსდება.

მოხალისეებს საცხოვრებლით და საკვებისა და ჯიბის ფულით უზრუნველყოფენ.

პროექტს უკვე მიღებული აქვს 700-მდე განაცხადი და შერჩეული ჰყავს 10 მოხალისისგან შემდგარი გუნდი. ამ ეტაპზე კი დამატებით 2 ხელოვანია შესარჩევი. თუ გაქვთ პორტფოლიო, ხართ შრომისმოყვარე, გსურთ სხვადასხვა თემის გამოკვლევა, მოგზაურობა, ასეულობით ადამიანთან შეხვედრა და თანამშრომლობა, თანახმა ხართ, ოთახში სხვასთან ერთად იცხოვროთ და 11 სხვა ხელოვანთან ერთად იმუშაოთ, შეიტანეთ განაცხადი ამ ფორმის შევსების საშუალებით.

განაცხადების შეტანის ბოლო ვადაა 6 აგვისტო.

მოხალისეთა მობილობა ექვს თვეს გაგრძელდება.

დამატებითი ინფორმაცია

პრესრელიზი