„ისწავლე ევროპაში“ — შეუერთდით ვირტუალურ გამოფენას 24 მაისს 

ევროპაში სწავლის მსურველ ახალგაზრდებს 24 მაისს ვირტუალურ გამოფენაში, „ისწავლე ევროპაში — მწვანე ინჟინერია“ მონაწილეობის მისაღებად იწვევენ.

ღონისძიება ონლაინ გაიმართება. 

თქვენ შესაძლებლობა გექნებათ, პირდაპირ გაესაუბროთ ევროპის ეროვნული სააგენტოების და უნივერსიტეტების წარმომადგენლებს და გაიგოთ პროგრამის, Erasmus+ შესაძლებლობებისა და Еrasmus Mundus სტიპენდიების შესახებ. თქვენ ასევე მოისმენთ იმ საერთაშორისო სტუდენტების ისტორიებს, რომლებიც ევროპაში „მწვანე ინჟინერიას“ ეუფლებიან.

გამოფენაზე წარმოდგენილი იქნება ოცდარვა უნივერსიტეტი და საგანმანათლებლო ორგანიზაცია ევროპის ათი ქვეყნიდან.

დამატებითი ინფორმაცია

პრესრელიზი და რეგისტრაცია

ინიციატივის, „ისწავლე ევროპაში“, Facebook-ის გვერდი