გრძელვადიანი და ინკლუზიური მშვიდობა: ევროკავშირი და UNDP სამოქალაქო საზოგადოების ორგანიზაციებისთვის კონკურსს აცხადებს

გაეროს განვითარების პროგრამამ (UNDP) ევროკავშირის დაფინანსებით საპროექტო იდეების კონკურსი გამოაცხადა. საგრანტო კონკურსი პროექტის, „COBERM-ის შემდგომი განვითარება: ევროკავშირის და გაეროს განვითარების პროგრამის ერთობლივი ინიციატივა გრძელვადიანი და ინკლუზიური მშვიდობისთვის“ (FLIP), ფარგლებში ტარდება. 

კონკურსის მიზანია ადგილობრივ სამშვიდობო პროცესებში სამოქალაქო საზოგადოების ჩართულობის გაუმჯობესება; დიალოგისა და ნდობის აღდგენის ინიციატივებში ახალგაზრდების, ქალებისა და მარგინალიზებული ჯგუფების მონაწილეობის უზრუნველყოფა; და კონფლიქტის პრევენციისა და მშვიდობის მშენებლობის მხარდაჭერა. 

კონკურსში მონაწილეობა ადგილობრივ სამოქალაქო საზოგადოების ორგანიზაციებს, ფონდებს, სამეცნიერო დაწესებულებებსა და საერთაშორისო არასამთავრობო ორგანიზაციებს შეუძლიათ. ინიციატივა FLIP მხარს უჭერს როგორც გამოცდილ, ისე ახალბედა თუ ნაკლებად გამოცდილ ადგილობრივ სამოქალაქო საზოგადოების ორგანიზაციებს და სამოქალაქო საზოგადოების წარმომადგენლებს.

ინიციატივა ეძებს საპროექტო იდეებს, რომელთა მიზანიცაა კონფლიქტით გაყოფილ თემებს შორის ნდობის აღდგენა და სხვადასხვა ეთნიკური წარმომავლობის თემებში კონფლიქტების პრევენციისა და მშვიდობის მშენებლობის შესახებ ცნობიერების ამაღლება. გარდა ამისა, პროგრამა დააფინანსებს ღონისძიებებს, რომლებიც კონფლიქტის და/ან კრიზისის თავიდან აცილებას ემსახურება. 

განაცხადების შეტანის ბოლო ვადაა 15 სექტემბერი.

დამატებითი ინფორმაცია

პრესრელიზი