ევროპის სოლიდარობის კორპუსის მოხალისეობრივ აქტივობებში ჩართული ორგანიზაციებისთვის თურქეთში ტრენინგი მოეწყობა

ევროპის სოლიდარობის კორპუსი, SALTO-ს რესურსცენტრთან თანამშრომლობით, ახალგაზრდულ მუშაკებს, ახალგაზრდულ ლიდერებს, ახალგაზრდული პროექტების მენეჯერებსა და მოხალისე მენტორებს იწვევს ტრენინგზე, რომელიც მოხალისეობრივ აქტივობებში ჩართული ორგანიზაციებისთვის გაიმართება. 

ტრენინგი 2026 წლის 15-19 ივნისს თურქეთში, სტამბოლში ჩატარდება.

ტრენინგის მიზანია გააძლიეროს ევროპის სოლიდარობის კორპუსის მოხალისეობრივ აქტივობებში ჩართული ორგანიზაციების შესაძლებლობები ხარისხის, გავლენის, პროექტების მონახაზის, პროგრამის წესებისა და ურთიერთსწავლების მიმართულებებით. თურქეთში დაგეგმილ ტრენინგს წინ უძღვის სავალდებულო ონლაინმოსამზადებელი ფაზა. 

კონკურსი ღიაა მონაწილეებისთვის საქართველოდან, აზერბაიჯანიდან, ბელარუსიდან, მოლდოვიდან, სომხეთიდან და უკრაინიდან.

პროგრამას აფინანსებენ Erasmus+ Youth in Action პროგრამის ეროვნული სააგენტოები. მონაწილეობის საფასური დამოკიდებულია იმ ქვეყანაზე, რომელსაც ტრენინგში მონაწილე წარმოადგენს. მონაწილეობის საფასურის შესახებ ინფორმაციის მისაღებად, გთხოვთ, დაუკავშირდეთ თქვენს ეროვნულ სააგენტოს ან SALTO-ს რესურსცენტრს. 

განაცხადების მიღების ბოლო ვადაა 2026 წლის 29 აპრილი. 

დამატებითი ინფორმაცია

პრესრელიზი