სტარტაპების გლობალური კონკურსი ინოვაციის პროექტის ასისტენტის პოზიციაზე მოხალისეს ეძებს, რომელიც ბუდაპეშტში ერთი წლის განმავლობაში, 2024 წლის 20 მარტიდან 2025 წლის 19 მარტამდე პერიოდში გაემგზავრება. განაცხადების შეტანა 18-30 წლის ახალგაზრდებს შეუძლიათ.
მოხალისე მარკეტინგის, ბიზნესის განვითარების, ინფორმაციული ტექნოლოგიებისა და მონაცემთა ანალიზის განყოფილებების გუნდებს მონაცემთა ანალიზთან დაკავშირებული დავალებების შესრულებაში დაეხმარება. კომუნიკაცია შედგება ვირტუალური შეხვედრების, სატელეფონო ზარებისა და ელექტრონული ფოსტის მეშვეობით.
კანდიდატს უნდა სურდეს ახალი კავშირების დამყარება, პიროვნული განვითარება და სხვა ენებისა თუ კულტურების შესწავლა. ასევე მნიშვნელოვანია, რომ მას ჰქონდეს კარგი საკომუნიკაციო უნარები და აინტერესებდეს ადგილობრივ თემთან ურთიერთობა, საველე და საოფისე საქმიანობა, საერთაშორისო ურთიერთობები, დემოკრატია და საერთაშორისო პოლიტიკა.
მოხალისე იცხოვრებს სრულად მოწყობილ საზიარო ბინაში, თვიურად მიიღებს დაახლოებით 310 ევროს და აუნაზღაურდება საზოგადოებრივი ტრანსპორტის საფასური. მას ასევე ექნება წვდომა ევროკავშირის ენის ონლაინმხარდაჭერის პლატფორმაზე, რომლის მეშვეობითაც უნგრულის შესწავლას შეძლებს.
უნგრეთის ეროვნული სააგენტო მოხალისეს ჩაუტარებს შეფასებით შეხვედრებს და ტრენინგებს მოხალისეობის დასაწყისსა და შუა პერიოდში და უზრუნველყოფს მას ხელმძღვანელთა მხარდაჭერით. საჭიროების შემთხვევაში, ის ასევე გასცემს დამატებით სერტიფიკატებს ან სარეკომენდაციო წერილებს.
განაცხადების შეტანის ბოლო ვადაა 2024 წლის 1 მარტი.
სტარტაპების გლობალური კონკურსი (GSA) მსოფლიოში უდიდესი დამოუკიდებელი სტარტაპების შეჯიბრია, რომელიც 120 ქვეყანაში მართავს პროგრამებს და აწყობს ღონისძიებებს. მისი მიზანია, მსოფლიო დონეზე შეუწყოს ხელი მეწარმეობის განვითარებას. GSA-ის ბოლო კონკურსში ნომინირებული იყო 28,000 სტარტაპ-პროექტი, რომლებმაც ხალხისგან, საერთო ჯამში, 210,000 ხმა მიიღეს.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,