ევროპის კოლეჯმა ნატოლინის კამპუსში საერთაშორისო ევროპული ურთიერთობების სპეციალისტი ახალგაზრდებისთვის სასტიპენდიო პროგრამა გამოაცხადა.
ნატოლინის სასტიპენდიო პროგრამა შემდეგი სფეროებით დაინტერესებული ახალგაზრდებისთვისაა განკუთვნილი: ევროპული ურთიერთობები, პოლიტიკური მეცნიერებები, საერთაშორისო ურთიერთობები, ეკონომიკა, სამართალი, ისტორია, ჟურნალისტიკა და ენები. თუმცა ასევე განიხილება სხვა აკადემიური პროფილის მქონე — მაგალითად, STEAM-თან დაკავშირებული დისციპლინებში გაწვრთნილი — კანდიდატების მიღება.
ევროპის კოლეჯის პირადი და პროფესიული განვითარების პროგრამით დაინტერესებულებს რეგისტრირება ამ ბმულზე გადასვლით შეუძლიათ.
განაცხადების შეტანა შეუძლიათ საქართველოს, უკრაინის ან მოლდოვის 35 წლამდე ასაკის მოქალაქეებს. ისინი უნდა იყვნენ უმაღლესი განათლების პროგრამათა კურსდამთავრებულები ან ცოტა ხნის წინ უნდა ჰქონდეთ დაცული სადოქტორო და კარგად უნდა ფლობდნენ ინგლისურ ენას (სულ მცირე, B1 დონეზე).
პროგრამის ხანგრძლივობა 8 თვეა. სტიპენდიებს ევროკავშირი აფინანსებს.
ევროპის კოლეჯი დიპლომისშემდგომი განათლების და ევროპული ბიზნესის სწავლების მიმართულებებით ევროპაში პირველი და ყველაზე ცნობილი დაწესებულებაა, რომელიც დღემდე ინარჩუნებს თავის უნიკალურობასა და ინოვაციურ სტილს. კოლეჯი ორი კამპუსისგან შედგება: ერთი მდებარეობს ქალაქ ბრიუგეში (ბელგია), ხოლო მეორე — ნატოლინში (ვარშავა, პოლონეთი).
განაცხადების შეტანის ბოლო ვადაა 2024 წლის 10 მაისი.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,