ԵՄ-ն աջակցում է սկսնակ լրագրողներին. դիմիր եւ մասնակցիր արդեն 10-րդ անգամ անցկացվող Youth4Regions ծրագրին

Եվրոպական հանձնաժողովը մեկնարկում է իր առաջատար Youth4Regions ծրագրի 10-րդ թողարկման համար դիմումների ընդունումը, որը կոչված է աջակցելու սկսնակ լրագրողներին։

2026 թվականի հոկտեմբերի 10-ից 16-ն ընկած ժամանակահատվածում ընտրված մասնակիցները մեկ շաբաթ կանցկացնեն Բրյուսելում՝ ստանալով ոլորտի փորձագետների մատուցմամբ ուսուցում, լրատվական խմբագրությունում աշխատանքի գործնական փորձ եւ բացառիկ հասանելիություն ինչպես ԵՄ ինստիտուտներին, այնպես էլ առաջատար լրատվական կազմակերպություններին։

Այս տարի ծրագիրը ողջունում է դիմումներ չորս ձեւաչափով՝ տեքստային լրագրություն, վիդեոլրագրություն, աուդիոլրագրություն եւ ֆոտոլրագրություն։

Youth4Regions-ը բաց է ԵՄ անդամ պետությունների, հարեւան երկրների (ներառյալ Հայաստանի եւ Ադրբեջանի) եւ թեկնածու երկրների (ներառյալ Վրաստանի, Մոլդովայի եւ Ուկրաինայի) ուսանողների եւ կրտսեր լրագրողների համար՝ առաջարկելով հմտություններ զարգացնելու, մասնագիտական ​​ցանցեր կառուցելու եւ ԵՄ-ին առնչվող հարցերի լուսաբանմանն անմիջականորեն ծանոթանալու եզակի հնարավորություն։

Մասնակիցները նաեւ հնարավորություն կունենան մրցելու 2026 թվականի հոկտեմբերի 14-ին հանձնվելիք հեղինակավոր «Մեգալիցի-Նիձելսկի» մրցանակի համար, որը շնորհվում է բացառիկ սկսնակ լրագրողներին։ Հաղթողները նաեւ կնշանակվեն որպես 2027 թվականի «Համախմբան թղթակիցներ» եւ կգործուղվեն երկշաբաթյա դաշտային առաքելության՝ տեղում լուսաբանելու համախմբման քաղաքականության նախագծերի եւ ԵՄ անդամ պետություններում մարդկանց կյանքի վրա դրանց ազդեցության մասին։

Դիմումների ընդունման վերջնաժամկետը հուլիսի 7-ն է։

2017 թվականին ծրագրի մեկնարկից ի վեր, ընդհանուր առմամբ 300 սկսնակ լրագրող օգտվել է նման աջակցությունից։

Իմացիր ավելին

Մամուլի հաղորդագրություն