ევროკავშირის წარმომადგენლობა საქართველოში საერთაშორისო ურთიერთობებით დაინტერესებულ ახალგაზრდა კურსდამთავრებულებს თავისი პოლიტიკის, პრესისა და ინფორმაციის განყოფილებაში სტაჟირების გასავლელად იწვევს. სტაჟირება 2023 წლის მაისში დაიწყება და 6 თვემდე გაგრძელდება.
პოლიტიკის, პრესისა და ინფორმაციის განყოფილება ევროკავშირსა და საქართველოს შორის არსებულ ორმხრივ პოლიტიკურ ურთიერთობას მეთვალყურეობს. ის მონიტორინგს უკეთებს ევროკავშირ-საქართველოს ასოცირების შეთანხმების განხორციელებას და შეისწავლის, თუ როგორ აკმაყოფილებს ქვეყანა ევროკავშირის მიერ დასახულ იმ 12 პრიორიტეტს, რომლებიც კანდიდატის სტატუსის მიღების წინაპირობაა. ამ მიზნით, განყოფილება ამზადებს დროულ, ზუსტ და მაღალხარისხოვან ანალიზზე დაფუძნებულ ანგარიშებს, რომლებსაც წარმომადგენლობის ხელმძღვანელსა და შტაბ-ბინას წარუდგენს.
კონკურსანტს უნდა ჰქონდეს საუნივერსიტეტო ხარისხი ან მისი ეკვივალენტი პოლიტიკური მეცნიერების, სამართლის, საერთაშორისო ურთიერთობების ან ეკონომიკის დარგში, კარგი საკომუნიკაციო უნარები და საქართველოს პოლიტიკური გარემოსა და ევროკავშირის ინსტიტუტების თუ პოლიტიკის ცოდნა. მან ასევე კარგად უნდა იცოდეს ინგლისური ენა (სულ მცირე B2 დონეზე).
თითოეული შერჩეული სტაჟიორი საყოფაცხოვრებო ხარჯების დასაფარად ყოველთვიური გრანტის სახით 600 ევროს მიიღებს. მგზავრობასთან, ვიზასთან, დაზღვევასთან და საცხოვრებელთან დაკავშირებული ყველა ხარჯის დაფარვა სტაჟიორს თავად მოუწევს.
განაცხადების შეტანის ბოლო ვადაა 15 მარტი.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,