EU4Environment-ის პროგრამა საკომუნიკაციო სფეროში კონტრაქტორს ეძებს — შეიტანეთ განაცხადი 13 თებერვლამდე 
იანვარი 13, 2023

EU4Environment-ის პროგრამა საკომუნიკაციო სფეროში კონტრაქტორს ეძებს — შეიტანეთ განაცხადი 13 თებერვლამდე 


ევროკავშირის მიერ მხარდაჭერილი EU4Environment-ის წყლის რესურსებისა და გარემოსდაცვითი მონაცემების პროგრამა კონტრაქტორს ეძებს. შერჩეულ კანდიდატს საქართველოში წყლის და ჰაერის ხარისხის გაუმჯობესების საკითხებზე საკომუნიკაციო და ცნობიერების ასამაღლებელი ღონისძიებების მხარდაჭერა დაევალება. 

კერძოდ, კონტრაქტორი პასუხისმგებელი იქნება საქართველოს მოსახლეობისთვის სათანადო გზავნილების მიწოდებასა და ნაბიჯების შეთავაზებაზე. ამას გარდა, ის პროგრამის ფარგლებში ცალკეული ინიციატივის შემუშავებისა და განხორციელების პროცესებს გაუძღვება.

კონკურსში მონაწილეობა შეუძლიათ ქართულ კომპანიებს ან არასამთავრობო ორგანიზაციების ჯგუფ(ებ)ს, უნივერსიტეტებს, კვლევით ინსტიტუტებს და ასე შემდეგ.

კონტრაქტით გათვალისწინებული თანხის მაქსიმალური ოდენობაა 25,000 ევრო. პროექტის ბიუჯეტში გათვალისწინებულია: მთელი გუნდის ანაზღაურება, საკომუნიკაციო მასალების დამზადება (იქნება ეს ინფოგრაფიკები, ვიდეორგოლები, ფოტოები თუ ბრენდირებული პროდუქცია), ბეჭდური მომსახურება და ღონისძიებათა ორგანიზების ხარჯები (ადგილის დაქირავება, კვება, ტრანსპორტი, კომპიუტერული ტექნიკა და სხვა). 

განაცხადების შეტანის ბოლო ვადაა 13 თებერვალი.

დამატებითი ინფორმაცია

პრესრელიზი

დახურვის თარიღი:

თებერვალი 13, 2023

შესაძლებლობის ტიპი



ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,