ენერგეტიკული თანამეგობრობის სამდივნო განახლებადი ენერგიის განყოფილების უფროსის ვაკანსიას აცხადებს

ევროკომისიის თანათავმჯდომარეობით მოქმედმა ენერგეტიკული თანამეგობრობის სამდივნომ განახლებადი ენერგიის განყოფილების უფროსის ვაკანსია გამოაცხადა.

შერჩეული კანდიდატი  იმუშავებს განახლებადი ენერგიის პოლიტიკის შემუშავებისა და განხორციელების პროცესზე, კოორდინაციას გაუწევს განახლებადი ენერგიის დანერგვასთან დაკავშირებულ აქტივობებს, გააანალიზებს, წარადგენს და უხელმძღვანელებს განახლებადი ენერგიის ახალ კანონთა კრებულს (aquis) ენერგეტიკული თანამეგობრობის სამართლებრივი ჩარჩოს შიგნით და ითანამშრომლებს ევროკავშირის ინსტიტუტებთან, დონორებთან და სხვა პარტნიორებთან.

კანდიდატი უნდა იყოს ევროკავშირის წევრი სახელმწიფოს ან ხელშეკრულების ხელმომწერი ნებისმიერი ქვეყნის (მათ შორის, საქართველოს) მოქალაქე. მას უნდა ჰქონდეს უნივერსიტეტის ხარისხი ეკონომიკის, სამართლის, ინჟინერიის ან სხვა შესაბამის სფეროში და სულ მცირე შვიდწლიანი პროფესიული გამოცდილება ენერგოსექტორში, რაც უნდა მოიცავდეს მინიმუმ ხუთწლიან გამოცდილებას განახლებადი ენერგიის სფეროში. მან ასევე სრულყოფილად უნდა იცოდეს ინგლისური ენა.

შერჩეული კანდიდატის სამუშაო ადგილი ავსტრიის დედაქალაქ ვენაში იქნება. 

ენერგეტიკული თანამეგობრობის სამდივნოს პოზიციისთვის განსაზღვრული აქვს გადასახადებიდან თავისუფალი 8,040 ევროს ოდენობის ხელფასი და სარგებელთა მოზრდილი პაკეტი. 

საბოლოო ანაზღაურება განისაზღვრება კვალიფიკაციის, გამოცდილებისა და კადრის შერჩევის პროცესის შედეგების მიხედვით.

განაცხადების მიღების ბოლო ვადაა 2026 წლის 11 იანვარი. 

დამატებითი ინფორმაცია

პრესრელიზი