EBRD-ის 2026 წლის ლიტერატურულ პრემიაზე განაცხადების მიღება დაიწყო

ევროპის რეკონსტრუქციისა და განვითარების ბანკმა (EBRD) 2026 წლის EBRD-ის ლიტერატურული პრემიის კონკურსი გამოაცხადა. 

პრემია გადაეცემა იმ ქვეყნის ენაზე დაწერილ მხატვრულ ნაწარმოებს, რომელშიც EBRD ინვესტიციებს ახორციელებს. ნაწარმოები ინგლისურ ენაზე უნდა იყოს თარგმნილი და ევროპის (მათ შორის გაერთიანებული სამეფოს) ან ჩრდილოეთ ამერიკის გამომცემლობის მიერ გასული წლის განმავლობაში პირველად უნდა იყოს გამოცემული.

რომანების ან ერთი მწერლის მიერ დაწერილი მოთხრობების კრებულების წარდგენა შესაძლებელია 2025 წლის 8 დეკემბრამდე. წარდგენილ ნაწარმოებებს დამოუკიდებელი ჟიური შეაფასებს.

გამარჯვებული 2026 წლის 2 ივლისს ლონდონში მდებარე ბანკის სათავო ოფისში გამართულ დაჯილდოების ცერემონიაზე გამოცხადდება. 

გამარჯვებული წიგნისთვის 20,000 ევროს ოდენობის პრემია გაიცემა და ის თანაბრად გადანაწილდება ავტორსა და მთარგმნელს შორის.

პრემიაზე აქამდე უკვე წარდგენილი იყო მრავალფეროვანი ლიტერატურა საქართველოდან, მოლდოვიდან და უკრაინიდან.

2022 წელს EBRD-ის ლიტერატურული პრემია სახელგანთქმული უკრაინელი რომანისტისა და პოეტის, სერჰი ჟადანის წიგნმა, „ინტერნატი“, მოიგო. 

2023 წელს უკრაინელი მწერლის, ვოლოდიმირ რაფეენკოს წიგნი, „მონდეგრინი“, ათ ფინალისტს შორის მოხვდა. 

2024 წელს უკრაინელი მწერლის, ანდრეი კურკოვის მიერ რუსულ ენაზე დაწერილი წიგნი, “ჯიმი ჰენდრიქსის გასტროლები ლვივში“, მოკლე სიაში მოხვდა. 

2025 წელს კი ფინალისტთა შორის დასახელდნენ ორი უკრაინული წიგნი (არტემ ჩაპაის „უკრაინა“ და იულია ილიუხას „ჩემი ქალები“) და ერთი მოლდოვური წიგნი (ლილიანა კორობკას „ზედმეტად დიდი ცა“). 

დამატებითი ინფორმაცია

პრესრელიზი