დაფინანსებული სტაჟირება ახალგაზრდა კურსდამთავრებულებისთვის საქართველოს ევროკავშირის წარმომადგენლობაში

ევროკავშირის წარმომადგენლობა საქართველოში საერთაშორისო ურთიერთობებით დაინტერესებულ ახალგაზრდა კურსდამთავრებულებს, რომლებსაც სურთ გაიგონ მეტი დიპლომატიური მისიის მუშაობის შესახებ, იწვევს სტაჟირებაზე პოლიტიკის, პრესისა და ინფორმაციის (PPI) განყოფილებაში; სტაჟირება დაგეგმილია 2026 წელს და მისი მაქსიმალური ვადა ექვსი თვეა. სტაჟირების დაწყების სავარაუდო პერიოდია 2026 წლის ივნისი.

პოლიტიკის, პრესისა და ინფორმაციის განყოფილება ზედამხედველობას უწევს ორმხრივ პოლიტიკურ ურთიერთობებს ევროკავშირს და საქართველოს შორის. ის უზრუნველყოფს დროულ, ზუსტ და მაღალი ხარისხის ანალიზს და ანგარიშგებას პოლიტიკური მოვლენების შესახებ წარმომადგენლობის ხელმძღვანელისა და ევროკავშირის შტაბ-ბინისთვის, და ატარებს მედია-გარემოს მონიტორინგს, აწვდის ახალი ამბების დაიჯესტებს შტაბ-ბინას და წევრი სახელმწიფოების საელჩოებს და კოორდინაციას უწევს ევროკავშირის წარმომადგენლობის საკომუნიკაციო პოლიტიკას საქართველოში.

სტაჟიორი დაკვირვების და ანალიზის საფუძველზე მოამზადებს ანგარიშს საქართველოში მიმდინარე მოვლენების შესახებ ევროკავშირის ინტერესებისა და პოლიტიკის შესაბამისად; დაეხმარება წარმომადგენლობაში ვიზიტების, ასევე ღონისძიებებისა და კონფერენციების ორგანიზებას; საკომუნიკაციო მასალების რედაქტირებას, კორექტირებასა და გავრცელებას და შეასრულებს ნებისმიერ სხვა დავალებას სამსახურის ინტერესებიდან გამომდინარე.

კანდიდატი ძალიან კარგად უნდა ფლოდეს ინგლისურ და ქართულ ენებს (მინიმუმ C1 დონე), მას უნდა ჰქონდეს  პოლიტიკურ მეცნიერებათა, სამართლის, საერთაშორისო ურთიერთობების, ეკონომიკის, კომუნიკაციების/ჟურნალისტიკის/მედიამცოდნეობის ან საზოგადოებასთან ურთიერთობების საუნივერსიტეტო ხარისხი, უნდა იცნობდეს საქართველოს პოლიტიკურ კონტექსტს, ევროკავშირის ინსტიტუტებსა და პოლიტიკას, და კარგად უნდა ერკვეოდეს საქართველოს მედია-სივრცეში.

განაცხადების შეტანის ბოლო ვადაა 5 მაისი.

დამატებითი ინფორმაცია

პრესრელიზი

გთხოვთ გაითვალისწინოთ, რომ შესაძლო ცვლილებებმა საქართველოს სამართლებრივ და სარეგულაციო გარემოში შესაძლოა გავლენა მოახდინოს ამ კონკურსისა და მის ფარგლებში მხარდაჭერილი აქტივობების განხორციელებაზე.