Culture Moves Europe: ცხადდება კონკურსი რეზიდენტების მასპინძლობისთვის 
ოქტომბერი 18, 2023

Culture Moves Europe: ცხადდება კონკურსი რეზიდენტების მასპინძლობისთვის 


16 ოქტომბერს ევროკავშირის მიერ დაფინანსებული ინიციატივის, Culture Moves Europe („ევროპას კულტურა ამოძრავებს“), მობილობის სქემის ფარგლებში რეზიდენტების მასპინძლობისთვის მეორე კონკურსი გამოცხადდა. 

კონკურსში მონაწილეობა შეუძლიათ ორგანიზაციებსა და ინდივიდუალურ ხელოვანებს, რომლებიც „შემოქმედებითი ევროპის“ 40 ქვეყნიდან ერთ-ერთში — მათ შორის საქართველოში — იურიდიულ პირებად არიან რეგისტრირებულები. გამარჯვებულები გრანტებს რეზიდენტურის პროექტებში მონაწილე უცხოელი ხელოვანებისა და კულტურის სფეროს პროფესიონალების მასპინძლობისთვის  მიიღებენ.

კონკურსი ეძებს მასპინძლებს, რომლებიც არქიტექტურის, კულტურული მემკვიდრეობის, დიზაინის, მოდის, ლიტერატურის, მუსიკის, საშემსრულებლო ხელოვნების ან ვიზუალური ხელოვნების სფეროებში მუშაობენ. მასპინძლებს მოეთხოვებათ, რომ მოწვეული ხელოვანებისთვის უზრუნველყონ სათანადო გარემო, აღჭურვილობა და მენტორი, რათა მათ თავიანთი პროექტების განსახორციელებლად შესაფერისი პირობები ჰქონდეთ. 

კონკურსის ფარგლებში მასპინძლებს შეეძლებათ, მიიღონ ხუთამდე უცხოელი ხელოვანი და კულტურის სფეროს პროფესიონალი, რომელთა პროექტებიც 22-იდან 300 დღემდე გაგრძელდება. 

განაცხადების შეტანის ბოლო ვადაა 2024 წლის 16 იანვარი.

კონკურსში მონაწილეობის მისაღებად თავდაპირველად გოეთეს ინსტიტუტის სააპლიკაციო პორტალზე უნდა დარეგისტრირდეთ. 

დამატებითი ინფორმაცია

პრესრელიზი

დახურვის თარიღი:

იანვარი 16, 2024

შესაძლებლობის ტიპი



ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,