ევროპის საზღვრებშორისი საგრანტო პროგრამა საერთაშორისო გამოძიებებს დაუჭერს მხარს

ევროპის საზღვრებშორისი საგრანტო პროგრამა საერთაშორისო პროფესიონალი ჟურნალისტებისგან დაკომპლექტებულ საგამოძიებო გუნდებს და/ან მედიასაშუალებებს საზღვრებშორისი გამოძიებებისა და კვლევების ჩატარებაში დაუჭერს მხარს. გაშუქებული ამბები ევროპული სამიზნე ჯგუფებისთვის უნდა იყოს რელევანტური.

ევროპის საზღვრებშორის გრანტებს Journalismfund.eu ევროკავშირის, ფონდ Limelight Foundation-ისა და Vereniging Veronica-ს დაფინანსებით განაგებს.

კონკურსში მონაწილეობა შეუძლიათ სულ მცირე ორი ჟურნალისტის და/ან  დამოუკიდებელი მედიასაშუალებისგან შემდგარ სახელმწიფოთაშორის გუნდებს, რომელთაც შერჩეული აქვთ სათანადო თემა გამოსაძიებლად. მათ ასევე უნდა წარმოადგინონ სულ მცირე ორი განზრახვის წერილი ევროპული საინფორმაციო საშუალებებისგან (რომელთაგან ერთი მაინც უნდა იყოს ევროკავშირში დაფუძნებული), რომლებიც თანახმა არიან, გამოაქვეყნონ გამოძიების შედეგები. გუნდი უნდა შედგებოდეს ევროპის საბჭოს ორ სხვადასხვა ქვეყანაში, მათ შორის საქართველოში, მომუშავე ორი ჟურნალისტისგან ან მედიისგან. 

ცალკეული გამოცხადებული კონკურსის მთლიანი ბიუჯეტი დაახლოებით 209,000 ევროს შეადგენს. ეს თანხა შერჩეულ გუნდებზე გადანაწილდება. 

გრანტებით შეიძლება დაიფაროს სამუშაო დრო და ლოჯისტიკის, მოგზაურობის, დაზღვევის, იურიდიული მხარდაჭერის, თარგმანების, ტექნოლოგიებსა და მონაცემებზე წვდომის და სხვა მსგავსი ხარჯები.  

გრანტთან ერთად გუნდებს ასევე შეუძლიათ განაცხადი შეიტანონ მენტორისთვის, რომელიც მათ გამოძიების მიმართულების განსაზღვრაში ან კონკრეტული კომპეტენციით უზრუნველყოფაში დაეხმარება. 

განაცხადების შეტანის ბოლო ვადაა 2024 წლის 7 ნოემბერი. 

დამატებითი ინფორმაცია

პრესრელიზი