თბილისში პოპულარული ვიქტორინის, „რა? სად? როდის?“, ევროპული მარათონის 2024 წლის პირველი თამაში ჩატარდა.
თამაშში ერთდროულად გაიმართა თბილისის 11 უბანსა და არასრულწლოვანთა კოლონიაში. მათში, საერთო ჯამში, 850-ზე მეტი მოსწავლისგან შემდგარმა 140-ზე მეტმა გუნდმა მიიღო მონაწილეობა.
თამაშისათვის მომზადებული კითხვები ახალგაზრდებს საშუალებას აძლევს, სახალისო და ინტერაქტიური გზით მიიღონ ინფორმაცია ევროკავშირისა და მისი წევრი სახელმწიფოების შესახებ. თამაშში ჩართვა მერვე-მეთორმეტე კლასების მოსწავლეებს შეუძლიათ.
თამაშების სერია, „რა? სად? როდის? ევროპის შესახებ“, 2023 წელს დაიწყო.
დღეისათვის კახეთის, აჭარის, შიდა ქართლის, იმერეთის, გურიისა და მცხეთა-მთიანეთის რეგიონებში ჩატარებულ თამაშებში მონაწილეობა 3,500-ზე მეტ ახალგაზრდას აქვს მიღებული.
2024 წლის განმავლობაში თამაშები ასევე ჩატარდება საქართველოს სხვა მუნიციპალიტეტებში, მათ შორის სამცხე-ჯავახეთში, ქვემო ქართლში, სამეგრელო-ზემო სვანეთში, რაჭა-ლეჩხუმსა და ქვემო სვანეთში.
მარათონი საზეიმო ფინალით დასრულდება, რომელიც 2024 წლის მაისში ევროპის დღისადმი მიძღვნილი ღონისძიებების ფარგლებში გაიმართება.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,