თბილისში პიტერ პომერანცევის მიერ დეზინფორმაციის შესახებ დაწერილი წიგნის პრეზენტაცია გაიმართა
14 ოქტომბერს საქართველოს ეროვნული ბიბლიოთეკის დარბაზში პიტერ პომერანცევის წიგნის, „ეს არ არის პროპაგანდა — მოგზაურობა ომში რეალობის წინააღმდეგ“, პრეზენტაცია გაიმართა.
პრეზენტაციას უძღვებოდნენ სამართლიანი არჩევნებისა და დემოკრატიის საერთაშორისო საზოგადოების (ISFED) აღმასრულებელი დირექტორი ნინო დოლიძე, წიგნის ავტორი პიტერ პომერანცევი და მწერალი ლაშა ბუღაძე.
წიგნი გამომცემლობა ინტელექტის მიერ „სამართლიანი არჩევნებისა და დემოკრატიის საერთაშორისო საზოგადოების“ პროექტის, „საზოგადოების მედეგობის გაძლიერება დეზინფორმაციის წინააღმდეგ“, ფარგლებში ითარგმნა და გამოიცა. აღნიშნული პროექტი საქართველოში ევროკავშირის წარმომადგენლობის მხარდაჭერით ხორციელდება.
პიტერ პომერანცევი საბჭოთა კავშირში დაბადებული ბრიტანელი ჟურნალისტი, მწერალი და სატელევიზიო პროდიუსერია. ის ლონდონის ეკონომიკისა და პოლიტიკურ მეცნიერებათა სკოლის (LSE) უფროსი მეცნიერი თანამშრომელი და ჯონს ჰოპკინსის უნივერსიტეტის მკვლევარი გახლავთ. პომერანცევი ოცდამეერთე საუკუნეში საინფორმაციო მანიპულაციის ბუნებასა და მისი აღმოფხვრის გზებს შეისწავლის.
მისი პირველი წიგნი, „არაფერია ნამდვილი და ყველაფერი შესაძლებელია“, ქართულ ენაზე 2017 წელს გამოიცა.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
