2 თებერვალს თბილისში კონკურსის, „ევროკავშირის პრიზი ჟურნალისტიკაში“, მეთორმეტე დაჯილდოების ცერემონია გაიმართა.
ბეჭდური, სამაუწყებლო, ელექტრონულ და ფოტოჟურნალისტიკის სფეროების მომცველ ექვს კატეგორიაში გამარჯვებულები ევროკავშირის ელჩმა საქართველოში, პაველ ჰერჩინსკიმ დააჯილდოვა. ევროკავშირის სადამკვირვებლო მისიის (EUMM) სპეციალური პრიზის მფლობელი კი საქართველოში ევროკავშირის სადამკვირვებლო მისიის ხელმძღვანელის მოვალეობის შემსრულებელმა, ტიბორ კოზმამ გამოავლინა.
საქართველოში ევროკავშირის წარმომადგენლობის მიერ 2012 წელს დაარსებული კონკურსი ქართულ ჟურნალისტიკაში პროფესიონალიზმსა და ეთიკურ ქცევას უჭერს მხარს. EUMM-ის სპეციალური პრიზი კი კონფლიქტების მიმართ მგრძნობიარე იმ მედიასაშუალებებს აჯილდოებს, რომლებიც ნდობისა და მშვიდობის აღდგენას ემსახურებიან.
კონკურსის, „ევროკავშირის პრიზი ჟურნალისტიკაში“, 2023 წლის გამარჯვებულები არიან:
გამარჯვებული: ლანა კოკაია (რადიო თავისუფლება)
გამარჯვებული: სესილი ბოჭოიძე (ტელეკომპანია ფორმულა)
გამარჯვებული: გიორგი მგელაძე (რადიო თავისუფლება)
გამარჯვებული: მარიამ ნატროშვილი (ინდიგო)
გამარჯვებული: ზურაბ ცერცვაძე (Agency France Press)
გამარჯვებული: ანასტასია ბახტურიძე (ინდიგო)
გამარჯვებული: მამუკა ყუფარაძე (თანაავტორი მადინა გაგლოევა, „სტუდია რე“)
პირველი ექვსი კატეგორიის თითოეული გამარჯვებული ფულადი ჯილდოს სახით დაახლოებით 5,200 ლარს მიიღებს. EUMM-ის სპეციალური პრიზის მფლობელი კი ომისა და მშვიდობის გაშუქების ინსტიტუტის ლონდონის ოფისში ერთთვიან სტაჟირებას გაივლის.
კონკურსი, „ევროკავშირის პრიზი ჟურნალისტიკაში“, მომდევნო წლისათვის განაცხადების მიღებას 2024 წლის 3 მაისს დაიწყებს.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,