თბილისის საერთაშორისო კინოფესტივალზე კინორეჟისორებს ევროკავშირის პრიზი, „ადამიანის უფლებები კინოში“, გადაეცათ
თბილისის საერთაშორისო კინოფესტივალის დახურვის ცერემონიაზე ევროკავშირის წარმომადგენლობამ ორი ფილმი სპეციალური პრიზით, „ადამიანის უფლებები კინოში 2023“, დააჯილდოვა. ევროკავშირის ელჩმა პაველ ჰერჩინსკიმ გამარჯვებულებს ჯილდოები კინოთეატრ „ამირანში“ გადასცა.
წელს პირველად ევროკავშირის ჯილდო ორ სხვადასხვა კატეგორიაში — დოკუმენტურ და მხატვრულ კინოში — მიენიჭათ. დოკუმენტური კინოს კატეგორიაში გაიმარჯვა რეჟისორ ლუკა ბერაძის ფილმმა, „ღიმილიანი საქართველო“. მხატვრული კინოს კატეგორიაში კი პრიზი აბას ამინის ფილმმა, „უსასრულო საზღვრები“, მოიპოვა.
„იმ დროს, როდესაც საქართველო და ევროპა ერთმანეთთან ისე ახლოს არიან, როგორც არასდროს, ევროკავშირისთვის ქართული კინემატოგრაფიისა და საქართველოს უნიკალური კულტურის პოპულარიზაციას უაღრესად დიდი მნიშვნელობა აქვს“, — აღნიშნა ელჩმა პაველ ჰერჩინსკიმ.
ევროკავშირის პრიზი, „ადამიანის უფლებები კინოში“, ხუთი წლის წინ, ადამიანის უფლებების დღესთან (10 დეკემბერი) დაკავშირებით დაწესდა.
კინოხელოვნების ცენტრი „პრომეთე“ თბილისის საერთაშორისო კინოფესტივალს 2000 წლიდან ატარებს. ფესტივალის მიზანი გამორჩეული ახალი უცხოური და ქართული ფილმების წარმოჩენაა.
დამატებითი ინფორმაცია
ყველაზე წაკითხული
თემაზე
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
