საქართველოში ევროკავშირის სადამკვირვებლო მისიის ახალი ხელმძღვანელი დაინიშნა

31 იანვარს ევროპის კავშირის საბჭომ ბერძენი დიპლომატი, დიმიტრიოს კარაბალისი საქართველოში ევროკავშირის სადამკვირვებლო მისიის (EUMM) ახალ ხელმძღვანელად დანიშნა.

დიმიტრიოს კარაბალისს ამჟამად საბერძნეთის საგარეო საქმეთა სამინისტროში რუსეთის, უკრაინის, მოლდოვის, სამხრეთ კავკასიისა და ცენტრალური აზიის საკითხებში დირექტორის თანამდებობა უკავია. საქართველოში ევროკავშირის სადამკვირვებლო მისიის ხელმძღვანელად მისი მანდატი 2023 წლის 1 თებერვლიდან 14 დეკემბრამდე გაგრძელდება. 

ამ თანამდებობაზე კარაბალისი პოლონელ დიპლომატს, ელჩ მარეკ შჩიგელს შეცვლის.

ევროკავშირის სადამკვირვებლო მისია (EUMM) საქართველოში შეუიარაღებელი სამოქალაქო სადამკვირვებლო მისიაა. ის 2008 წელს, რუსეთსა და საქართველოს შორის კონფლიქტის შემდეგ დაარსდა, როცა გორში, მცხეთასა და ზუგდიდში ევროკავშირის წევრი ქვეყნებიდან 200-ზე მეტი დამკვირვებელი გაიგზავნა. 

დამატებითი ინფორმაცია

პრესრელიზი