საქართველოში ევროკავშირის მიერ მხარდაჭერილი კონკურსის, „მელიორა 2024-ის“ გამარჯვებულები გამოვლინდნენ

2 ივლისს თბილისის ისტორიის მუზეუმ „ქარვასლაში“ გაიმართა „საქართველოს პასუხისმგებელი ბიზნესის კონკურსი – მელიორა 2024-ის“ დაჯილდოების ცერემონია, რომლის ფარგლებშიც წლის საუკეთესო პროექტები და კომპანიები დასახელდნენ.

„მელიორა 2024-ის“ ცხრა კატეგორიიდან გამარჯვებულები შემდეგ შვიდ კატეგორიაში გამოვლინდნენ:

კატეგორია „მწვანე ინიციატივა“

• გამარჯვებული მსხვილი კომპანია: თეგეტა ჰოლდინგი, პროექტი „მწვანე სტანდარტი“
• გამარჯვებული მცირე და საშუალო კომპანია: პოლივიმი, პროექტი „მწვანე ინიციატივა“

კატეგორია „პასუხისმგებელი დამსაქმებელი“

• გამარჯვებული მსხვილი კომპანია: ბაზისბანკი, პროექტი „პასუხისმგებელი დამსაქმებელი“

კატეგორია „საზოგადოების მხარდაჭერა“

• გამარჯვებული მსხვილი კომპანია: ჰილტონ ბათუმი, პროექტი  „საზოგადოების მხარდაჭერა“
• გამარჯვებული მცირე და საშუალო კომპანია: კლიპარტი, პროექტი „წიგნის კლუბი“

კატეგორია „სექტორთა პარტნიორობა – გაზიარებული პასუხისმგებლობა“

• გამარჯვებული მსხვილი კომპანია: ზღაპარი, პარტნიორობა ასოციაციასთან, „ცხოვრების შანსი“, პროექტი „სახელმწიფო ზრუნვაში მყოფი ახალგაზრდების პროფესიული მხარდაჭერა და გაძლიერება“

კატეგორია „გამჭვირვალობა და ანგარიშგება კორპორაციული პასუხისმგებლობისა და მდგრადობის საკითხებზე“

• გამარჯვებული მსხვილი კომპანია: თიბისი ბანკი, პროექტი „მდგრადი განვითარების ანგარიში 2022“

კატეგორია „წლის CSR მენეჯერი“

• გამარჯვებული: ნათია სირბილაძე, კომპანია „ექზაქტპრო”

კატეგორია „წლის პასუხისმგებელი მსხვილი კომპანია“

• გამარჯვებული მსხვილი კომპანია: თიბისი ბანკი

„’მელიორას’ დაჯილდოება კარგი მაგალითია იმის, თუ როგორ  მუშაობს ევროკავშირი საქართველოს სამოქალაქო საზოგადოებასთან და ბიზნესასოციაციებთან, რათა დანერგოს პასუხისმგებლობა და მდგრადობა ქართული ბიზნესის ძირითად სტრატეგიებში“, – განაცხადა საქართველოში ევროკავშირის წარმომადგენლობის განვითარებისა და თანამშრომლობის განყოფილების ხელმძღვანელმა, ნიკოლას სენდროვიჩმა, – „ის აჩვენებს, რომ პასუხისმგებლობიან ბიზნესმიდგომებს მოაქვს გრძელვადიანი ფინანსური წარმატება და სოციალური სიკეთე“.

საქართველოს სტრატეგიული კვლევებისა და განვითარების ცენტრის (CSRDG) ორგანიზებული კონკურსი ევროკავშირისა და კონრად ადენაუერის ფონდის მიერ დაფინანსებული პროექტის, „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“, ფარგლებში ჩატარდა.

დამატებითი ინფორმაცია

პრესრელიზი