პროექტი GRETA საქართველოში სამთო ტურიზმის და ორგანული სოფლის მეურნეობის სფეროში მიღწეულ შედეგებს წარმოაჩენს
ოქტომბერი 31, 2023

პროექტი GRETA საქართველოში სამთო ტურიზმის და ორგანული სოფლის მეურნეობის სფეროში მიღწეულ შედეგებს წარმოაჩენს


ევროკავშირის მიერ თანადაფინანსებულმა პროექტმა, GRETA, ოქტომბერში ჩატარებულ დასკვნით ღონისძიებაზე მიღწეული შედეგები შეაჯამა და წარმოაჩინა, თუ რა სარგებლობა მოუტანა ინიციატივამ საქართველოს მაღალმთიანი რეგიონების მოსახლეობას.

პროექტი „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ (GRETA) საქართველოში ავსტრიის განვითარების სააგენტომ ევროკავშირის, ავსტრიის და შვედეთის მხარდაჭერით განახორციელა. პროექტის მიზანი იყო ბიზნესგარემოს გაუმჯობესება და შემოსავლის ახალი წყაროების შექმნა საქართველოს ეკონომიკის ორ მნიშვნელოვან სექტორში — სამთო ტურიზმსა და ორგანულ სოფლის მეურნეობაში. პროექტი მესტიაში, ლენტეხში, ცაგერში, ონში, ამბროლაურში, საჩხერეში, ჭიათურასა და ტყიბულში განხორციელდა.

მისი საშუალებით საქართველოს მაღალმთიან რეგიონებში მოქმედმა 300-ზე მეტმა მცირე და საშუალო მეწარმემ თავისი ბიზნესი  მარკეტინგის, ბრენდინგის და კომერციული საქმიანობის მართვის სხვა უნარების მიმართულებით ჩატარებული ტრენინგებით გააძლიერა.

გარდა ამისა, 20 სამთო გამყოლს გადაეცა პროფესიული სერტიფიკატი, რომელიც აკმაყოფილებს საერთაშორისო სტანდარტებს. კერძო და საჯარო ბიზნესის 30-მდე წარმომადგენელი კი ბიოწარმოების სპეციფიკას გაეცნო.

პროექტის ფარგლებში ასევე ჩამოყალიბდა ჩაის და ღვინის ასოციაციები და შეიქმნა ცხრა ინოვაციური ტურისტული პროდუქტი, რომლებმაც რეგიონი ტურისტულად უფრო მიმზიდველი გახადა.

დამატებითი ინფორმაცია

პრესრელიზი



ყველაზე წაკითხული


თემაზე

ივნისი 20, 2024

ევროკავშირის სწავლა-სწავლების პროცესში ხელოვნური ინტელექტისა და მონაცემების გამოყენების ეთიკური გზამკვლევი ქართულადაც გამოიცა

ივნისი 18, 2024

ევროპის რეკონსტრუქციისა და განვითარების ბანკს თურქეთსა და კავკასიაში ახალი მმართველი დირექტორი ჰყავს

ივნისი 18, 2024

ევროკავშირის უმაღლესი რანგის ოფიციალური პირები საქართველოს ევროპული მომავლისადმი სალომე ზურაბიშვილის ერთგულებას მიესალმებიან

ივნისი 18, 2024

„უცხოელი აგენტების კანონი“: საქართველოს სამინისტროებს სამოქალაქო სექტორზე 10-ჯერ მეტი დაფინანსება აქვს ევროკავშირისგან მიღებული

ივნისი 14, 2024

ევროკავშირი საქართველოში ციფრული ჩართულობით სოფლის გაძლიერების ახალ პროექტს იწყებს


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,