მსოფლიო წყლის დღე: EU4Environment უკრაინაში მიმდინარე ომის ზემოქმედების შესახებ გაფრთხილებას აქვეყნებს

მსოფლიო წყლის დღე: EU4Environment უკრაინაში მიმდინარე ომის ზემოქმედების შესახებ გაფრთხილებას აქვეყნებს

მარტი 23, 2022

მსოფლიო წყლის დღეს — 22 მარტს პროგრამამ, EU4Environment გამოაქვეყნა გაფრთხილება იმ მავნე ზემოქმედების შესახებ, რომელიც უკრაინაში მიმდინარე ომს წყლის რესურსებზე აქვს. კერძოდ, ხარვეზებია წყლის მიწოდების სისტემაში, გაუარესებულია სანიტარული პირობები და გარემოსთვის მიყენებულია ისეთი ზიანი, რომლის აღდგენას ათწლეულები შეიძლება დასჭირდეს.

ადამიანებისთვის მიყენებულ საშინელ ტანჯვასთან ერთად, უკრაინაში რუსეთის ინტერვენციამ 90 მილიარდამდე ევროს ღირებულების ინფრასტრუქტურაც გაანადგურა. ევროპის გარემოს დაცვის სააგენტომ კი წყალში, ნიადაგსა და ჰაერში ტოქსიკური ქიმიური ნივთიერებების არსებობის შესახებ გამოაქვეყნა გაფრთხილება. ეს ნივთიერებები გარემოში ათწლეულების განმავლობაში შეიძლება დარჩეს. 

ადამიანის უფლება წყალზე და სანიტარულ პირობებზე გაერომ 2010 წლის ივლისში აღიარა. იქ კი, სადაც განსაკუთრებით ინტენსიური საბრძოლო მოქმედებები მიმდინარეობს, წყალმომარაგება და სანიტარულ-ჰიგიენური პირობების შენარჩუნება სასიცოცხლო მნიშვნელობის საკითხთა შორისაა. ამ პირობების გაუარესების დროს იზრდება წყლით გავრცელებადი ისეთი დაავადებების გაჩენის რისკი, როგორიც ქოლერაა — განსაკუთრებული საფრთხის ქვეშ კი ბავშვები არიან.

„დღეს უკრაინას ომის გამო იზოლირებული რეგიონებისთვის სუფთა სასმელი წყალი სჭირდება. ხვალ კი მას დასჭირდება მხარდაჭერა ქვეყნის აღდგენის და აღმშენებლობისთვის — მათ შორის წყლის და გარემოს მმართველობის, მართვის და მონიტორინგის საკითხებში“, — ეს გაფრთხილება პროგრამამ, EU4Environment მსოფლიო წყლის დღისადმი მიძღვნილ სტატიაში გამოაქვეყნა (სტატიის სრული სახით ნახვა აქ შეგიძლიათ).

სუფთა წყალი და გარემო ადამიანის ჯანმრთელობისთვის უმნიშვნელოვანესი ფაქტორებია. ევროკავშირი ამ საკითხშიც უკრაინის გვერდით დგას, რათა დაეხმაროს მას ყველაზე აუცილებელი საჭიროებების მოგვარებაში ქვეყნის გრძელვადიანი აღდგენის და შემდგომი განვითარების უზრუნველსაყოფად. 

მსოფლიო წყლის დღე, რომელიც 1993 წლიდან მოყოლებული ყოველწლიურად 22 მარტს აღინიშნება, ხაზს უსვამს წყლის მნიშვნელობას და იმ 2 მილიარდი ადამიანის შესახებ ამაღლებს ცნობიერებას, ვისთვისაც სუფთა წყალი ხელმისაწვდომი არ არის. წყალი ევროკავშირის აღმოსავლეთ პარტნიორი  ექვსი ქვეყნის მნიშვნელოვანი აქტივია. ამ მხრივ, აზერბაიჯანი, ბელარუსი, მოლდოვის რესპუბლიკა, საქართველო, სომხეთი და უკრაინა მზარდ ზეწოლას განიცდიან, რისი ერთ-ერთი მთავარი მიზეზი კლიმატის ცვლილებაა.

აღმოსავლეთ პარტნიორობის ქვეყნების ამ მიმართულებით მხარდასაჭერად ევროკავშირმა იანვარში ახალი ინიციატივა, EU4Environment — წყლის რესურსების და გარემოსდაცვითი მონაცემების რეგიონული პროგრამა აღმოსავლეთ პარტნიორობის ქვეყნებში, დაიწყო. პროგრამა წყლის მდგრადი რესურსების მართვას, შესაბამისი პოლიტიკის განვითარებას, სანდო გარემოსდაცვითი სტატისტიკის წარმოებას და მონაცემების ხელმისაწვდომობას უწყობს ხელს.

დამატებითი ინფორმაცია

მსოფლიო წყლის დღე: წყალი ომის პერიოდში – უკრაინის შემთხვევა 

მსოფლიო წყლის დღე: ეკოლოგიის პერსპექტივები აღმოსავლეთ პარტნიორობის ქვეყნებში



თემაზე

ევროკავშირი თავის ყოველწლიურ ანგარიშში საქართველოს მიერ ასოცირების შესახებ შეთანხმების პირობების შესრულებას აფასებს
აგვისტო 16, 2022

ევროკავშირი თავის ყოველწლიურ ანგარიშში საქართველოს მიერ ასოცირების შესახებ შეთანხმების პირობების შესრულებას აფასებს

ევროკავშირის და გაეროს განვითარების პროგრამის მხარდაჭერით, ქართული სოფლები Google Maps-ზე გამოჩნდა
აგვისტო 10, 2022

ევროკავშირის და გაეროს განვითარების პროგრამის მხარდაჭერით, ქართული სოფლები Google Maps-ზე გამოჩნდა

აღმოსავლეთ პარტნიორობის ქალაქები მუნიციპალური განვითარების ახალ გზებს სახავენ 
აგვისტო 9, 2022

აღმოსავლეთ პარტნიორობის ქალაქები მუნიციპალური განვითარების ახალ გზებს სახავენ 

2008 წლის აგვისტოს რუსეთ-საქართველოს ომი: ევროკავშირი საქართველოს ტერიტორიული მთლიანობის მხარდაჭერას ადასტურებს 
აგვისტო 9, 2022

2008 წლის აგვისტოს რუსეთ-საქართველოს ომი: ევროკავშირი საქართველოს ტერიტორიული მთლიანობის მხარდაჭერას ადასტურებს 

საქართველოში ადამიანის უფლებების უკეთ დასაცავად საგანმანათლებლო ტრენინგთა სერია ჩატარდა
აგვისტო 5, 2022

საქართველოში ადამიანის უფლებების უკეთ დასაცავად საგანმანათლებლო ტრენინგთა სერია ჩატარდა


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,