EU4Environment: ევროკავშირი წყლის რესურსების და გარემოსდაცვითი მონაცემების ახალ რეგიონულ პროგრამას იწყებს

9 თებერვალს ევროკავშირმა ახალი „EU4Environment – წყლის რესურსების და გარემოსდაცვითი მონაცემების რეგიონული პროგრამა“  დაიწყო. ინიციატივის მიზანია, ხელი შეუწყოს COVID-19-ის პანდემიის შემდგომ მწვანე აღდგენას აღმოსავლეთ პარტნიორობის ქვეყნებში. ონლაინფორმატში უკვე  ჩატარდა პროგრამის რეგიონული სასტარტო შეხვედრა, რომელსაც  მოჰყვება თითოეული მონაწილე ქვეყნის წარმომადგენლებთან ეროვნულ დონეზე ორგანიზებული შეხვედრების ციკლი.

ახალი პროგრამა აღმოსავლეთ პარტნიორობის ქვეყნების ეკოლოგიის, კლიმატის და სოციალურ-ეკონომიკური მდგრადობის ხანგრძლივად შენარჩუნებას შეუწყობს ხელს. პროგრამის მიზანი აზერბაიჯანის, ბელარუსის, მოლდოვის რესპუბლიკის, საქართველოს, სომხეთისა და უკრაინის მოსახლეობის ჯანმრთელობის და კეთილდღეობის გაუმჯობესებაა.

„EU4Environment – წყლის რესურსების და გარემოსდაცვითი მონაცემების რეგიონულ პროგრამას“ საფუძვლად წარსულში წარმატებით განხორციელებული პროექტების მიღწევები უდევს. ამ პროექტთა შორისაა „ევროპის წყლის ინიციატივა პლუსი“ (EUWI+) და „ერთიანი გარემოსდაცვითი საინფორმაციო სისტემა — II ფაზა“, („ევროპის სამეზობლო ინსტრუმენტის ერთიანი გარემოსდაცვითი საინფორმაციო სისტემის“ (ENI SEIS II) აღმოსავლეთ პარტნიორობის პროექტი). 

EUWI+ პროექტი ქვეყნებს დაეხმარა, წარმატებით განეხორციელებინათ ევროკავშირთან დადებული ხელშეკრულებებით გათვალისწინებული მოთხოვნები. ხოლო იქ, სადაც ოფიციალური ხელშეკრულებები გაფორმებული არ იყო, მან ევროკავშირის წყლის რესურსების მართვის პრაქტიკის ეტაპობრივ დანერგვას შეუწყო ხელი. ENI SEIS II პროექტის მხარდაჭერით კი მომზადდა ეკოლოგიური მონაცემები და შეფასებითი ანგარიშები ბიომრავალფეროვნების, წყლის, მიწის,  ნარჩენების და ჰაერის მდგომარეობის შესახებ. 

დამატებითი ინფორმაცია