მოსავლეთ პარტნიორობა: დაიწყო EU4Digital პროგრამის ახალი ფაზა
EU4Digital პროგრამის მეორე ფაზა ოფიციალურად მიმდინარე წლის ოქტომბერში დაიწყო.
EU4Digital პროგრამა, რომლის მიზანიც აღმოსავლეთ პარტნიორობის ქვეყნებში ერთიანი ციფრული ბაზრის სარგებელთა გავრცელებაა, EU4Digital ინიციატივის ძირითადი პროგრამა გახლავთ. EU4Digital ინიციატივა ევროკავშირის საფლაგმანო რეგიონული პროგრამაა, რომელიც აღმოსავლეთ პარტნიორობის ქვეყნებში ციფრულ გარდაქმნას უწყობს ხელს.
მომავალი სამი წლის განმავლობაში EU4Digital პროგრამის მეორე ფაზის ფარგლებში მუშაობა ექვს ძირითად სფეროში გაგრძელდება. ეს სფეროებია: ტელეკომუნიკაციის წესები; ელ-სანდოობა და სახელმწიფოთაშორისი ციფრული სერვისები; ელ-ვაჭრობა; საინფორმაციო და საკომუნიკაციო ტექნოლოგიური ინოვაციები და სტარტაპის ეკოსისტემები; ელ-ჯანმრთელობა; და ციფრული უნარები.
EU4Digital პროგრამის მეორე ფაზის დაწყების აღსანიშნავად, EU4Digital ინიციატივამ ორი ონლაინღონისძიება მოაწყო: 2022 წლის 24 ოქტომბერს — აღმოსავლეთ პარტნიორობის ციფრული კონფერენცია, ხოლო 25 ოქტომბერს — EU4Digital პროგრამის II ფაზის დაწყება და საკოორდინაციო კომიტეტის შეხვედრა.
ციფრულ კონფერენციაზე ევროკავშირის და აღმოსავლეთ პარტნიორობის ქვეყნებიდან 200-ზე მეტი დაინტერესებული მხარე და პარტნიორი შეიკრიბა. დისკუსიებზე განიხილეს ისეთი საკითხები, როგორიცაა ციფრული გარდაქმნის როლი გამძლე და მდგრადი მთავრობის, ეკონომიკის და საზოგადოების განვითარებაში.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
