კასპში, ადიგენსა და ბათუმში ახალგაზრდებმა დეზინფორმაციის ამოცნობა და გადამოწმება ისწავლეს
კასპში, ადიგენსა და ბათუმში მცხოვრებმა ახალგაზრდებმა ევროკავშირის მხარდაჭერით ორგანიზებული მედიაწიგნიერების ინტერაქციულ ტრენინგში მიიღეს მონაწილეობა. მათ ახალ მედიაში გავრცელებული საზიანო ინფორმაციის ამოცნობისა და გადამოწმების პრაქტიკული უნარები შეიძინეს.
კერძოდ, ტრენინგის მონაწილეებმა საინფორმაციო წყაროების, ფოტოებისა თუ ვიდეოების სანდოობის შემოწმება ისწავლეს. მათ ასევე გაიგეს, როგორ გადაამოწმონ ინფორმაცია გეოლოკაციის სპეციალური ონლაინინსტრუმენტის გამოყენებით.
მედიაწიგნიერების ტრენინგები მთლიანი საქართველოს მასშტაბით ევროკავშირის მიერ მხარდაჭერილი პროგრამის, „ხარისხიანი მედია და მედიის გაცნობიერებული მოხმარება მედეგი საზოგადოებისთვის“, ფარგლებში ტარდება.
პროექტს DW Akademie მედიის განვითარების ფონდთან (MDF) და ადამიანის უფლებათა ცენტრთან (HRC) თანამშრომლობით ახორციელებს. მისი მიზანი საქართველოში დემოკრატიის გაძლიერება და ადამიანის უფლებების მხარდაჭერაა. ამ მიზნის მისაღწევად პროექტი საზოგადოებას აჩვენებს, რამდენად მნიშვნელოვანია მედიის თავისუფლება თუ მედიაწიგნიერება და რამხელა ზიანი მოაქვს დეზინფორმაციას.
პროგრამა 2025 წლის 1 სექტემბრამდე გაგრძელდება და მის ფარგლებში დეზინფორმაციაზე სხვა ტრენინგებიც ჩატარდება.
ტრენინგზე ჩაწერა შესაძლებელია ელექტრონული ფოსტით: [email protected]
დამატებითი ინფორმაცია
ყველაზე წაკითხული
თემაზე
ურსულა ფონ დერ ლაიენი: „საქართველო გზაჯვარედინზეა. მან ევროპისკენ აღებული კურსი არ უნდა შეცვალოს“
EU4Dialogue: ორგანიზაციის, „ხელები მშვიდობისთვის“, პროექტის ფარგლებში შექმნილი ნამუშევრები ზუგდიდში გამოიფინა
ბორელი მკაცრად გმობს საქართველოში მომიტინგეთა მიმართ ძალადობას
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
